കണ്ണൂര്‍ സ്വദേശി  കാറിടിച്ചു മരിച്ചു

മനാമ: കണ്ണൂര്‍ സ്വദേശി ബഹ്‌റൈനില്‍ കാറിടിച്ചു മരിച്ചു. ഉമ്മുല്‍ ഹസത്ത് സീനത്ത് ഹോംസ് എന്ന കെട്ടിടത്തില്‍ വാച്ച് മാനായി ജോലി ചെയ്യുന്ന കണ്ണൂർ പാലത്തുങ്കര സ്വദേശി പൊയ്യിൽ ഖാലിദ് (38) ആണ്​ മരിച്ചത്.  ഗുദൈബിയയില്‍ നിന്ന്​ സൈക്കിളില്‍ വരുമ്പോള്‍ അദ്‌ലിയയില്‍ ​െവച്ച് കാര്‍ ഇടിക്കുകയായിരുന്നു. പരിക്കേറ്റ ഖാലിദിനെ ഉടൻ സല്‍മാനിയ മെഡിക്കല്‍ കോംപ്ലക്​സിൽ എത്തിച്ചെങ്കിലും   രാത്രിയോടെ മരണം സംഭവിച്ചു. കൂടുതല്‍ വിവരങ്ങള്‍ ലഭ്യമായിട്ടില്ല. മൃതദേഹം നാട്ടിലേക്ക്​ കൊണ്ടുപോകും.