‘ലാൽ കെയേഴ്സി’നൊപ്പം മോഹൻലാൽ ജന്മദിനം ആഘോഷിച്ചു
text_fieldsമനാമ: ബഹ്റൈനിലെ മോഹൻലാൽ ഫാൻസിെൻറ സംഘടനയായ ‘ലാല് കെയേഴ്സ്’ ഭാരവാഹികൾക്കൊപ്പം മോഹൻലാൽ പിറന്നാൾ ആഘോഷിച്ചു. കഴിഞ്ഞ ദിവസം നടന്ന സ്റ്റേജ്ഷോയിൽ പെങ്കടുക്കാനാണ് മോഹൻലാൽ ബഹ്റൈനിലെത്തിയത്. ഇതിനിടയിലായിരുന്നു പിറന്നാൾ ആഘോഷം. കെയ്ക്ക് മുറിച്ച ശേഷം അദ്ദേഹം സംഘടന അംഗങ്ങളുമായി സംസാരിച്ചു.
അംഗങ്ങളുടെ പിറന്നാൾ ആശംസകൾ ഉൾപ്പെടുത്തിയ കാർഡ് മോഹൻലാലിന് കൈമാറി. നിർമാതാവ് ആൻറണി പെരുമ്പാവൂർ, മുരളീധരന് പള്ളിയത്ത് എന്നിവരും സന്നിഹിതരായിരുന്നു. പ്രസിഡൻറ് ജഗത് കൃഷ്ണകുമാര്, സെക്രട്ടറി എഫ്.എം. ഫൈസല് എന്നിവര് സംസാരിച്ചു.
ട്രഷറർ ഷൈജു, വൈസ് പ്രസിഡൻറുമാരായ പ്രജിൽ പ്രസന്നൻ , ടിറ്റോ ഡേവിസ്, ജോ. സെക്രട്ടറിമാരായ മനോജ്, കിരീടം ഉണ്ണി, എക്സിക്യൂട്ടിവ് അംഗങ്ങളായ ജ്യോതിഷ് പണിക്കർ, അരുൺ ജി.നെയ്യാർ, അരുൺ തൈക്കാട്ടിൽ, നന്ദൻ, സുബിൻ, അജി ചാക്കോ, സതീഷ് എന്നിവർ പരിപാടികൾക്ക് നേതൃത്വം നല്കി. സംഘടനയുടെ നേതൃത്വത്തിൽ 26ന് സൽമാനിയ ഹോസ്പിറ്റലിൽ രക്തദാന ക്യാമ്പും സംഘടിപ്പിക്കുന്നുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.