കേരളീയ സമാജം ഭവനനിർമാണ പദ്ധതി മുഖ്യമന്ത്രി ഉദ്ഘാടനം ചെയ്തു
text_fieldsമനാമ: ബഹ്റൈൻ കേരളീയ സമാജം സപ്തതി ആഘോഷത്തോടനുബന്ധിച്ച് നടപ്പാക്കുന്ന സൗജന്യ ഭവന നിർമാണ പദ്ധതിയുടെ ഭാഗമായുള്ള ആദ്യ വീട് ആലപ്പുഴ ജില്ലയിലെ കാര്ത്തികപ്പള്ളി താലൂക്കില് പത്തിയൂര് പഞ്ചായത്തിലെ വിജിത വിജയനും കുടുംബത്തിനും നല്കും. പദ്ധതിയുടെ ഔദ്യോഗിക ഉദ്ഘാടനം കഴിഞ്ഞ ദിവസം മുഖ്യമന്ത്രി പിണറായി വിജയൻ തിരുവനന്തപുരത്ത് നിർവഹിച്ചു. വീടിെൻറ പ്ലാൻ കുടുംബത്തിന് മുഖ്യമന്ത്രി കൈമാറി.
സമാജം ‘സാന്ത്വനസ്പർശം’ പദ്ധതി കൂടുതൽ വ്യാപിപ്പിക്കുന്നതിെൻറ ഭാഗമായാണ് നിര്ധനര്ക്കുള്ള ഭവന നിർമാണ പദ്ധതി ആസൂത്രണം ചെയ്തതെന്ന് പ്രസിഡൻറ് പി.വി.രാധാകൃഷ്ണ പിള്ള, ജനറല് സെക്രട്ടറി എന്.കെ വീരമണി എന്നിവര് വാർത്താക്കുറിപ്പില് അറിയിച്ചു.
മുഖ്യമന്ത്രിയുടെ ചേമ്പറിൽ നടന്ന ചടങ്ങില് കായകുളം എം.എൽ.എ പ്രതിഭ ഹരി , ആര്ക്കിടെക്റ്റ് ശങ്കര്, കേരളീയ സമാജം പ്രസിഡൻറ് പി.വി.രാധാകൃഷ്ണ പിള്ള എന്നിവര് സംബന്ധിച്ചു. നിലവിൽ എേട്ടാളം വീടുകൾ നിർമിക്കാനാണ് പദ്ധതിയുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.