You are here

ട്രെൻഡായി ലെതർ ലാമ്പുകൾ

13:33 PM
02/10/2016

ഒരു സ്വിച്ചിട്ടാൽ  അകത്തളം വിസ്​മയമാകുന്ന തരത്തിലാണ്​ ഇന്നത്തെ ഇൻറീരിയർ ലൈറ്റിങ്.  എൽ ഇ ഡി ലൈറ്റുകൾ തൊട്ട്​ ആയിരങ്ങൾ വിലവരുന്ന വിദേശ നിർമ്മിത ഷാൻഡ്​ലിയർ വരെ വീടകങ്ങളിൽ അലങ്കാരമാവുകയാണ്​. മൂഡ്​ അനുസരിച്ച്​ മാറ്റാവുന്ന തരം ലൈറ്റിങ്ങ്​ സംവിധാനങ്ങൾ എത്തിയ കാലമെങ്കിലും കിടപ്പുമുറിയിൽ മങ്ങികത്താൻ ബെഡ്​ ടേബിൾ ലാമ്പുകൾ തന്നെ വേണം.

വ്യത്യസ്തമായ ആകൃതിയിലും ഡിസൈനുകളിലുമുള്ള ലാമ്പുകൾ അകത്തളങ്ങളിൽ അലങ്കാരം കൂടിയാണ്.മരത്തിലും കളിമണ്ണിലും ഗ്ലാസിലും ക്രിസ്റ്റലിലുമെല്ലാം ട്രെൻഡി ടേബിൾ ലാമ്പുകൾ എത്തിതുടങ്ങി. ഇൻഡോറിലും ഒൗട്ട്ഡോറിലും ഒരുക്കാവുന്ന തരം ലാമ്പുകളും വിപണിയിലുണ്ട്​.

തനത്​ കലാകാരൻമാരുടെ കൈവിരുതകൾകൊണ്ട്​ മനോഹരമാക്കിയ ലെതർ ലാമ്പുകൾക്കാണ്​ ഇന്ന്​ പ്രിയം. തുകൽ ഉപയോഗിച്ച്​ നിർമ്മിക്കുന്ന ടേബിൾ ലാമ്പ്​ ഷേഡുകൾക്ക്​ പരമ്പരാഗത കരവിരുതി​െൻറ ചാരുതയാണുള്ളത്​.

ടേബിൾ ലാമ്പുകളിൽ പുതുമയുണർത്തുന്നവയാണ്​ ലെതർ ഷേഡുകൾ. പരമ്പരാഗത തുകൽ കലാകാരൻമാരാണ്​ ഇത്തരം ഷേഡുകൾ നിർമ്മിക്കുന്നത്​.  ട്രഡീഷ്​ണൽ ശൈലിയിലുള്ള ചിത്രകലയും മ്യൂറൽ ആലേഖനങ്ങളും പാറ്റേണുകളുകൊണ്ട്​ ആകർഷകമാക്കിയ തുകൽ ലാമ്പുകൾ പ്രിയമേറുകയാണ്​.

ലെതർ ലാമ്പ്​ ഷേഡുകളിലെ ചിത്രപണികൾ കൈവേലയായതിനാലും തുകൽ ലഭ്യതക്കുറവായതിനാലും ഇത്തരം ലാമ്പുകൾക്ക്​ വില അൽപം കൂടുതലാണ്​. ലെതർ ലാമ്പുകൾക്ക്​ 750 രൂപ മുതലാണ്​ വില.

ഇന്ത്യൻ ലെതർ ലാമ്പുകളുടെ ചാരുതയെ വെല്ലുന്ന തരം മൊററോക്കൻ, ചൈനീസ്​, ബാലി മോഡൽ ലാമ്പുകളും  വിപണിയിലുണ്ട്. ​മൊറോക്കൻ ലാമ്പുകൾക്ക്​ ഏകദേശം 5000 രൂപ വരെയാണ്​ വില. കോണാകൃതിയോട്​ സാമ്യമുള്ള ശൈലിയും ജ്യാമിതീയ രൂപങ്ങൾ ചേരുന്ന പാറ്റേണുകളും ചിത്രപണികളുമാണ്​  മൊറോക്കൻ ലാമ്പുകളുടെ പ്രത്യേകത. 

ടേബിൾ ടോപ്പായി വെക്കാനോ ചുമരിലോ സീലിങ്ങിലോ തൂക്കിയിടാ​േനാ കഴിയുന്ന തരത്തിലാണ്​ മൊറോക്കൻ ലാമ്പുകളുടെ ഡിസൈൻ. ബെയ്​ജ്​, ഗ്രീൻ, ഒാഫ്​വൈറ്റ്​​, ബളാക്​ നിറങ്ങളുടെ മിശ്രണമാണ്​ പാറ്റേണുകളിൽ സ്ഥിരമായി കാണുക. ഹെന്നാ ടാറ്റൂ പ്രിൻഡുകളുള്ള മൊറോക്കൻ ലാമ്പ്​ ഷേഡുകൾക്കാണ്​ പ്രിയം.

വിവിധ പാറ്റേണുകളിലും പ്രിൻഡുകളിലും ലെതർ ലാമ്പുകൾ എത്തുന്നുണ്ട്​.  വൈറ്റ്​ ലെതറിൽ ഒറ്റവർണത്തിൽ ഡിസൈൻ വരുന്നവക്ക്​​ പ്രത്യേക ഭംഗിയാണ്​. ഇൻഡിഗോ, കറുപ്പ്​, ബ്രൗൺ നിറങ്ങളാണ്​ സിംഗിൾ ഹ്യൂഡ്​ ലാമ്പുകളിൽ കണ്ടുവരുന്നത്​.


ലെതർ ലാമ്പുകൾ ഉപയോഗിക്കു​​േമ്പാൾ അവയുടെ അഴകുചോരാതെ സൂക്ഷിക്കുക എന്നതും പ്രധാനമാണ്​.

  • തുകൽ മെറ്റീരിയലായതിനാൽ ലാമ്പ്​ ​േഷഡിലെ പൊടിയും ​െചളിയും ഒഴിവാക്കാൻ സാധാരണ തുണിയോ ​സ്ക്ര​േമ്പാ ഉപയോഗിക്കരുത്​. വൃത്തിയാക്കാൻ മൃദുവായ നാരുള്ള ബ്രഷ്​ ഉപയോഗിക്കുക
  • ലാമ്പിനകത്ത്​ ഉയർന്ന വോൾ​ട്ടു​ള്ള ബൾബുകൾ ഉപയോഗിക്കരുത്​. കോമ്പാക്​റ്റ്​ ഫ്രൂളറസെൻറ്​ ബൾബ്​, എൽ.ഇ.ഡി എന്നിവ​ ഉപയോഗിക്കുക. വോൾട്ട്​ കൂടിയ ബൾബ്​ ഉപയോഗിച്ചാൽ ലെതർ ചൂടായി കത്താനിടയുണ്ട്​.
  • ലാമ്പ്​ ഷേഡ്​ കഴുകണമെന്നുണ്ടെങ്കിൽ ശുദ്ധമായ വെള്ളത്തിൽ  വീര്യം കുറഞ്ഞ സോപ്പോ സോപ്പുലായനിയോ ഉപയോഗിച്ച്​ ശ്രദ്ധയോടെ കഴുകി ഉണക്കിയെടുക്കണം.  ഇടക്കിടെ കഴുകുന്നത്​ തുകലി​െൻറ ഗുണവും അഴകും കുറയും.
  • വെള്ളമായി നനയുകയോ മറ്റോ ചെയ്​താൻ മൃദുവായ തുണി ഉപ​േയാഗിച്ച്​ പതുക്കെ തുടച്ച്​ ഉണക്കണം.
  • ലാമ്പ്​ ഷേഡി​െൻറ തിളക്കം കുറഞ്ഞു വന്നാൽ ​പ്രോപോളിഷ്​ ഒായിൽ കണ്ടീഷ്​ണർ ഉപയോഗിച്ച്​ പോളിഷ്​ ചെയ്യാം. മൂന്നുമാസത്തിലൊരിക്കൽ ഇത്തരത്തിൽ മിനുക്കിവെക്കാം.
  • മിങ്ക്​ ഒായിൽ (പ്രത്യേക തരം മൃഗക്കൊഴുപ്പ്​) ഉപയോഗിച്ച്​ ലെതർ തുടച്ചെടുക്കുന്നതും നല്ലതാണ്​. ഇത്​ ലെതർ കൂടുതൽ കാലം നിലനിൽക്കുന്നതിനും തിളങ്ങുന്നതിനും സഹായിക്കും. 
  • തിളക്കം കിട്ടുന്നതിന്​ ഏതെങ്കിലും എണ്ണകളോ മറ്റു ലെതർ ​േപാളിഷുകളോ ഉപയോഗിച്ചാൽ ലാമ്പ്​ ഷേഡ്​ നശിക്കും.
  • നനവുള്ളിടത്തോ, നല്ല ചൂടുള്ള വസ്​തുക്കളുടെ അരികിലോ  തീയുടെ അടുത്തോ ലാമ്പുകൾ വെക്കരുത്​.

COMMENTS