You are here

കണ്ടെത്താം നല്ലൊരു ഡിസൈനറെ (ഭാഗം-നാല്​)

  • വീടും കൂടും –പ്രശസ്​ത ആർക്കിടെക്​റ്റ്​ ഡിസൈനർ രാജേഷ്​ മല്ലർകണ്ടി എഴുതുന്ന പംക്തി

square architect

ഒാരോ വീടിനും പല ഭാവങ്ങളാണ്​. വീടി​​​​​െൻറ ഭാവങ്ങൾ അതി​​​​​െൻറ പുറംകാഴ്​ചയുമായി ബന്ധപ്പെട്ടിരിക്കുന്നു. പ്രധാനമായും നമ്മെ ആകർഷിക്കുന്നത്​ വീടി​​​​​െൻറ പുറംഭംഗി തന്നെയാണ്​. എലിവേഷൻ  ഡിസൈൻ മ​നോഹരമാക്കുന്നതിന്​  കേരള, കൊളോണിയൽ, ട്രഡീഷണൽ, കംൻറംപററി, യൂറോപ്യൻ, വിക്​ടോറിയൻ എങ്ങിനെയുള്ള  ഏതു ശൈലിയും സ്വീകരിക്കാം. ഓരോ ശൈലിയിലും പ്രഗൽഭരായ ഡിസൈനർമാരുണ്ട്​. ചിലർക്ക്​ ഏതു നിർമാണ ശൈലിയും വഴങ്ങും. നിങ്ങൾ ആഗ്രഹിക്കുന്നത്​ ഏത്​ ശൈലിയിലുള്ള വീടാണോ അത്തരം വീടുകൾ നിർമിക്കുന്നതിൽ പരിചയസമ്പന്നനായ ആർക്കിടെക്​റ്റിനെ/ ഡിസൈനറെ തെരഞ്ഞെടുക്കുന്നതാണ് നല്ലത്​. കൊളോണിയൽ സ്റ്റൈലിൽ മാത്രം വീട് നിർമിക്കാൻ ഇഷ്ടപ്പെടുന്ന ഡിസൈനറോട് കംൻറംപററി ശൈലിയിലുള്ള വീട്​ ആവശ്യ​പ്പെട്ടാൽ ഒരുപക്ഷേ നിങ്ങൾ ഉദ്ദേശിക്കുന്ന പുതുമയോ ഭംഗിയോ ഗുണമോ ഉണ്ടാകണമെന്നില്ല.  

ഡിസൈനറെ തെരഞ്ഞെടുക്കും മുമ്പ്​ ശ്രദ്ധിക്കേണ്ട നിരവധി കാര്യങ്ങളുണ്ട്​. നിങ്ങൾ സമീപിക്കുന്ന ഡിസൈനർ മേഖലയിൽ പ്രാഗത്ഭ്യമുള്ള ആളാണോയെന്ന്​ പരിചയക്കാരിൽ നിന്നും ചോദിച്ചറിയണം. ഗൃഹനിർമാണ മേഖലയിൽ എത്ര വർഷത്തെ  പ്രവർത്തന പരിചയം അദ്ദേഹത്തിനുണ്ടെന്ന്​ അറിയണം. ഡിസൈനർ/ ആർക്കിടെക്​റ്റ്​ ചെയ്തു പൂർത്തിയാക്കിയ വീടുകൾ നേരിട്ട്​ കാണുന്നതും വീട്ടുടമയുമായി സംസാരിക്കുന്നതും നല്ലതാണ്​. അദ്ദേഹം പൂർത്തിയാക്കിയ വീടുകളിൽ നിങ്ങൾക്കിഷ്ടപ്പെടുന്ന ശൈലിയിലുള്ളത്​ ഉണ്ടോയെന്നും നോക്കണം. മുമ്പ്​ ചെയ്​ത വർക്കുകളുടെ എലിവേഷൻ, ഇൻറീരിയർ, സ്​പേസ്​ മാനേജ്​മ​​​​െൻറ്​, ​പ്​ളോട്ടി​​​​​െൻറ ഉപയോഗം തുടങ്ങി കാര്യങ്ങൾ വിശദമായി പരിശോധിക്കണം. 

വീട് നിർമാണത്തി​​​​​െൻറ ആദ്യഘട്ടം മുതൽ അവസാനം വരെ ഡിസൈനർ എങ്ങനെ ഇടപെട്ടുവെന്ന്​ മറ്റു ക്ലൈൻറുകളോട് ചോദിച്ചറിയാം. ആവശ്യമില്ലാത്ത കാര്യങ്ങൾ ഡിസൈനിൽ ഉൾപ്പെടുത്താറുണ്ടോ, പണിക്കിടെ ഡിസൈനിൽ മാറ്റം വരുത്താറുണ്ടോ, ഭംഗിക്ക്​ മാത്രമായി പലതും ഡിസൈനിലുൾപ്പെടുത്തി ധൂർത്ത് കാട്ടുന്ന ഒരാളാണോ എന്നീ കാര്യങ്ങളെല്ലാം അറിയാൻ ശ്രമിക്കുക. വീടിനെക്കുറിച്ചുള്ള സങ്കൽപങ്ങൾ പങ്കുവെക്കു​േമ്പാൾ അതിലെ തെറ്റുകൾ തിരുത്തി അമിത ചെലവുകളും നിർമാണസമയവും കുറക്കാനുള്ള മാർഗങ്ങൾ വരെ പറഞ്ഞു തരാൻ നല്ലൊരു ഡിസൈനർക്ക്​ കഴിയും. 

Square architect

കുറച്ച് വർഷങ്ങൾക്ക്​ മുമ്പുവരെ പലരും വീട്​ നിർമ്മാണ അനുമതി വാങ്ങുന്നതിന്​ വേണ്ടി മാത്രമായിരുന്നു എൻജിനീയർ/ആർക്കിടെക്​റ്റിനെ സമീപിച്ചിരുന്നത്. എഞ്ചിനിയർ പാസാക്കിയ പ്​ളാനിൽ ​കരാറുകാരൻ വീട്ടുകാരുടെ നിർദേശങ്ങൾക്കനുസരിച്ച്​ വീട്​ പണിതീർക്കും. ചില എൻജിനീയർമാർ കോൺക്രീറ്റ്​ ചെയ്യു​േമ്പാൾ മാത്രം നിർമാണ സ്ഥലത്തെത്തും. കമ്പി എങ്ങനെ ഇടണം,സ്​ളോപ്പിൽ എങ്ങനെ വാർക്കണം എന്നിങ്ങനെയുള്ള ടിപ്പുകൾ  പറഞ്ഞുകൊടുക്കുകയാണ്​ അവർ ചെയ്യാറ്​.  വീട്ടിൽ ചെയ്​തിട്ടുള്ള എല്ലാ ഡിസൈനുകളും നിർമ്മിക്കുന്ന കരാറുകാരെ​​​​​െൻറയും പണിക്കാരുടെയും വീട്ടുകാരുടെയുമെല്ലാം മനസ്സിലെ ആശയങ്ങളും മുൻകാലത്ത് ചെയ്ത വീടി​​​​​െൻറ പതിപ്പുമെല്ലാമായിരിക്കും. 

ഇന്ന് ആർക്കിടെക്ചറൽ ഇൻ്റീരിയർ ഡ്രോയിങ്ങുകളും എലിവേഷൻ ഡ്രോയിങ്ങും ത്രീഡിയുമെല്ലാം  ഉണ്ടാക്കിയാണ് നിർമാണം തുടങ്ങുന്നതു തന്നെ. ഫ്​ളവർ വേസി​​​​​െൻറ വരെ സ്ഥാനം നിർണയിച്ച ശേഷമാണ്​ തറക്കല്ലിടുന്നത്​. ഡിസൈനറെ സംബന്ധിച്ച് ഈ രീതിയിലുള്ള കൺസൾട്ടേഷന് ചിലവേറെയാണ്​. അതുകൊുതന്ന നല്ല ഫീസ്​ നൽകാൻ ഉടമസ്​ഥൻ ബാധ്യസ്​ഥനാണ്. എന്നാൽ ഡിസൈനറോ മുകളിൽ പറഞ്ഞ തരത്തിലുളള പ്​ളാനിങ്ങുകളോ ഇല്ലാതെ ചെയ്യുന്ന കെട്ടിടനിർമാണത്തിലെ നഷ്ടവുമായി താരതമ്യം ചെയ്യുമ്പോൾ ഡിസൈനർക്ക്​ നൽകുന്ന ഫീസ്​ ഒട്ടും കൂടുതലല്ലെന്ന്​ പറയാം.

കൂടുതൽ പ്രവർത്തി പരിചയവും മേഖലയിൽ പ്രാവീണ്യവുമുള്ള ഡിസൈനർമാരെ സമീപിക്കുന്നതാണ്​ ഏറ്റവും നല്ലത്​. നിങ്ങൾക്ക്​ മുന്നിൽ നിരത്താൻ പല ബജറ്റിലുള്ള നിരവധി ഡിസൈനുകളും കഴിവുതെളിയിച്ച വർക്കുകളും ഉണ്ടാകും.   സ്വാഭാവികമായും ഇവർക്ക് കൂടുതൽ ഫീസ്​ നൽകേിയും വരും. തുടക്കക്കാരായ ഡിസൈനർമാരെ സംബന്ധിച്ച് ഒരു വീടി​​​​​െൻറ നിർമാണം എങ്ങിനെയെങ്കിലും ഉണ്ടാക്കിയെടുക്കുക എന്നതാണ്. അതുകൊണ്ടു തന്നെ കുറഞ്ഞ ഫീസിൽ വീടൊരുക്കാൻ ഇവർ തയാറായേക്കും. എന്നാൽ കൂടുതൽ ഫീസ്​ കുറഞ്ഞ ഫീസ്​ എന്നിങ്ങനെ നോക്കിയല്ല പ്രാവീണ്യം നോക്കിയാണ്​ ഡിസൈനറെ തെരഞ്ഞെടുക്കുക്കേണ്ടത്​.  

തുടക്കക്കാരായ ഡിസൈനർമാരെ ഒരിക്കലും മറ്റൊരു കണ്ണോടു കൂടി നോക്കേണ്ട ആവശ്യമില്ല. ഒരു പക്ഷെ അവരുടെ കഴിവ്​ നിങ്ങളുടെ വീട്ടിലൂടെ ആയിരിക്കും പ്രകടിപ്പിക്കപ്പെടുക. ശ്രദ്ധിക്കപ്പെടണമെന്നുള്ളതിനാൽ സമർപ്പണ മനോഭാവത്തോടെ ചെയ്യാനും പുതിയ ഡിസൈനർമാർ ​ശ്രമിക്കാറുണ്ട്​. ഏതു ഡിസൈനറെ തെരഞ്ഞെടുത്താലും പ്​ളാനിങ്ങി​​​​​െൻറ ആദ്യഘട്ടം മുതൽ അവരുമായി സംസാരിക്കാനും കാര്യങ്ങൾ മനസ്സിലാക്കാനും ശ്രമിക്കുക. അവരുടെ പരമാവധി കഴിവ്​ ഉപയോഗപ്പെടുത്തി സ്വപ്​ന ഗൃഹം പണിതുയർത്തുക. 

(കോഴിക്കോട്​ ഇൗസ്​ഹില്ലിൽ സ്​ക്വയർ ആർക്കിടെക്ച്ചറൽ ഇൻറീരിയർ കൺസൾട്ടൻറ്സ് എന്ന സ്ഥാപനത്തി​​​​​െൻറ സാരഥിയാണ് ലേഖകൻ. 27 വർഷമായി ഡിസൈനിങ്​ രംഗത്ത്​ പ്രവർത്തിച്ചു വരുന്നു. ആർക്കിടെക്​ചർ മാസികകളിലും അനുകാലിക പ്രസിദ്ധീകരണങ്ങളിലും ലേഖനങ്ങൾ എഴുതുന്നു.  
ഫോൺ: 919847129090. rajmallarkandy@gmail.com)

COMMENTS