ഹയർ​ െസക്കൻഡറി ഒന്നാംവർഷ ഇംപ്രൂവ്​മെൻറ്​ /സ​പ്ലിമെൻററി പരീക്ഷകൾ ജൂലൈ 27ന്​ തുടങ്ങുന്നു

21:53 PM
26/07/2017

തിരുവനന്തപുരം: ഹയർ​ െസക്കൻഡറി ഒന്നാംവർഷ ഇംപ്രൂവ്​മ​െൻറ്​/സപ്ലിമ​െൻററി പരീക്ഷകൾ വ്യാഴാഴ്​ച ആരംഭിക്കും.  റെഗുലർ വിദ്യാർഥികൾക്ക്​ അവരുടെ ഒന്നാംവർഷ സ്​കോറുകൾ മെച്ചപ്പെടുത്തുന്നതിനും (ഇംപ്രൂവ്​മ​െൻറ്​),  മുൻവർഷങ്ങളിൽ പഠിച്ച്​ പരീക്ഷയെഴുതിയിട്ടും ഉപരിപഠനത്തിന്​ അർഹത നേടാനാവാത്ത വിദ്യാർഥികൾക്ക്​ 2018 മാർച്ചിൽ നടക്കുന്ന രണ്ടാംവർഷ പരീക്ഷയെഴുതുന്നതിനുള്ള അർഹത നേടാനുമാണ്​ (സപ്ലിമ​െൻററി) ഇൗ പരീക്ഷ. 

സാധാരണ സെപ്​റ്റംബർ/ഒക്​​േടാബറിൽ നടക്കുന്ന പരീക്ഷയാണ്​ രണ്ടു മാസം മുമ്പ് നടക്കുന്നത്​. അധ്യയന വർഷത്തി​‍​െൻറ മധ്യത്തിൽ നടന്നിരുന്ന ഇംപ്രൂവ്​മ​െൻറ്​ പരീക്ഷ റെഗുലർ വിദ്യാർഥികളുടെ രണ്ടാംവർഷ പഠനത്തെ ദോഷകരമായി ബാധിക്കുന്നു എന്ന്​ കണ്ടതി​​െൻറ അടിസ്​ഥാനത്തിലാണിത്​. കമ്പാർട്ട്​മ​െൻറൽ വിദ്യാർഥികൾക്ക്​ ആദ്യമായി ഒറ്റത്തവണ രജിസ്​ട്രേഷൻ സംവിധാനം നടപ്പാക്കിയെന്ന​ും പഴയ സിലബസിൽ പഠിച്ചവർക്ക്​ ആ സിലബസിൽ പരീക്ഷയെഴുതാനുള്ള അവസാന അവസരം എന്നതും പ്രത്യേകതകളാണ്​. ജൂലൈ^ആഗസ്​റ്റ്​ മാസങ്ങളിൽ ഗൾഫ്​ സ്​കൂളുകൾ അവധിയായതിനാൽ അവിടത്തെ കുട്ടികൾക്ക്​ ആദ്യമായി കേരളത്തിലും പരീക്ഷകേന്ദ്രങ്ങൾ  അനുവദിച്ചിട്ടുണ്ട്​. 140 ഒാളം കുട്ടികൾ ഇൗ സൗകര്യം ഉപയോഗപ്പെടുത്തിയിട്ടുണ്ട്​. 

4,47,771 വിദ്യാർഥികൾ രജിസ്​റ്റർ ചെയ്​തിട്ടുണ്ട്​. ഇംപ്രൂവ്​മ​െൻറിൽ റെഗുലർ വിഭാഗത്തിൽ 3,73,746 വിദ്യാർഥികളും ഒാപ്പൺ സ്​കൂൾ വിഭാഗത്തിൽ 67,745 വിദ്യാർഥികളുമുണ്ട്​. സപ്ലിമ​െൻററി വിഭാഗത്തിൽ 20,875 വിദ്യാർഥികൾ പരീക്ഷയെഴുതുന്നുണ്ട്​. ഇവരിൽ 4587 പേർ പഴയ സിലബസുകാരാണ്​. 
ജൂ​ൈല 27, 31 ആഗസ്​റ്റ്​ ഒന്ന്​, രണ്ട്​, മൂന്ന്​ തീയതികളിൽ നടക്കുന്ന പരീക്ഷകൾക്കായി കേരളത്തിൽ 2060 കേന്ദ്രങ്ങളും ലക്ഷദ്വീപിൽ ഒമ്പത്​ കേന്ദ്രങ്ങളും യു.എ.ഇയിൽ ഒരു കേന്ദ്രവുമാണുള്ളത്​. പരീക്ഷ ചുമതലക്കായി 25,000ലേറെ  അധ്യാപകരെ നിയമിച്ചിട്ടുണ്ട്​. പരീക്ഷ നിരീക്ഷിക്കാൻ ജില്ല തലത്തിൽ ആർ.ഡി.ഡിയുടെ നേതൃത്വത്തിൽ വിജിലൻസ്​ സ്​ക്വാഡും സം​സ്ഥാനതലത്തിൽ ഡയറക്​ടറുടെ നേതൃത്വത്തിൽ സൂപ്പർ സ്​ക്വാഡും രൂപവത്​കരിച്ചിട്ടുണ്ട്​. 
അധ്യയനത്തെ ബാധിക്കാതിരിക്കാൻ രണ്ട്​ ഘട്ടങ്ങളിലായിട്ടാണ്​ മൂല്യനിർണയക്യാമ്പുകൾ ക്രമീകരിച്ചിരിക്കുന്നത്​. 34  വിഷയങ്ങൾക്കുള്ള 27 കേന്ദ്രീകൃത മൂല്യനിർണയ ക്യാമ്പുകൾ ആഗസ്​റ്റ്​ ഏഴു​ മുതലും ശേഷിക്കുന്ന 23 വിഷയങ്ങൾക്കുമായുള്ള 27 ക്യാമ്പുകൾ ആഗസ്​റ്റ്​ 16 മുതലും ആരംഭിക്കുന്നു. ഇതിനു​ പുറമേ, 13 ടാബുലേഷൻ  കേന്ദ്രങ്ങളും പ്രവർത്തിക്കുന്നു. ആഗസ്​റ്റിൽതന്നെ ഫലപ്രഖ്യാപനം നടത്താനാവുമെന്നാണ്​ പ്രതീക്ഷിക്കുന്നത്​. 


 

COMMENTS