Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightMarketchevron_rightയു.എസ്​ ചൈനീസ്​ പോരും...

യു.എസ്​ ചൈനീസ്​ പോരും ലോക്​ഡൗണും: ഓഹരി വിപണിയിൽ കനത്ത ഇടിവ്​

text_fields
bookmark_border
യു.എസ്​ ചൈനീസ്​ പോരും ലോക്​ഡൗണും: ഓഹരി വിപണിയിൽ കനത്ത ഇടിവ്​
cancel

മുംബൈ: യു.എസ്​ -ചൈന തർക്കവും രാജ്യത്ത്​ അടച്ചിടൽ നീട്ടിയതും ഓഹരിവിപണിയെ പ്രതികൂലമായി ബാധിച്ചു. കഴിഞ്ഞ ആഴ്​ചയിലെ മികച്ച നേട്ടത്തിന്​ ശേഷമാണ്​ ​ആഭ്യന്തര ഓഹരി വിപണിയിൽ കനത്ത ഇടിവ്​ രേഖപ്പെടുത്തിയത്​. 

ബോംബെ ഓഹരി സൂചികയായ സെൻസെക്​സ്​ 2002 പോയൻറ്​ ഇടിഞ്ഞ്​ 31,715ലും ദേശീയ ഓഹരി സൂചികയായ നിഫ്​റ്റി 566 പോയൻറ്​ ഇടിഞ്ഞ്​ 9,293 പോയൻറിലുമാണ്​ വ്യാപാരം അവസാനിപ്പിച്ചത്​. സെൻസെക്​സ്​ 969.48 ​േപായൻറ്​ നഷ്​ടത്തിൽ 32,748.14ലും നിഫ്​റ്റി 326 പോയൻറ്​ നഷ്​ടത്തിൽ 9533 ലുമാണ്​ തിങ്കളാഴ്​ച വ്യാപാരം ആരംഭിച്ചതുതന്നെ. 

യു.എസ്​ ചൈന തർക്കവും ലോക്​ഡൗൺ മൂന്നാംഘട്ടത്തിലേക്ക്​ നീക്കിയതുമാണ്​ നിക്ഷേപകരുടെ ആത്മവിശ്വാസത്തിന്​ കോട്ടം ഏൽപ്പിച്ചത്​. 18 മാസത്തോളമായ അമേരിക്ക ചൈന വ്യാപാരയുദ്ധഒ കോവിഡിൻെറ ഉത്​ഭവം സംബന്ധിച്ച ചർച്ചയിലേക്ക്​ നീങ്ങുകയായിരുന്നു. ചൈനയിലെ വുഹാനിലെ ലാബിൽ നിന്ന്​ ​കൊറോണ വൈറസിൻെറ ഉത്​ഭവ​െമന്നതിന്​ തെളിവുകളുണ്ടെന്നാണ്​ ഇപ്പോൾ അമേരിക്കയ​ുടെ വാദം.  

കോവിഡിനെ തുടർന്നുണ്ടായ പ്രതിസന്ധി ജി.ഡി.പിയിൽ കനത്ത ഇടിവുണ്ടാകുമെന്നാണ്​ മിക്ക സാമ്പത്തിക ശക്തികളായ രാജ്യങ്ങളുടെ വിലയിരുത്തൽ. എണ്ണവില ഉയരാത്തതും ​ഓഹരിവിപണിയെ പ്രതികൂലമായി ബാധിച്ചു. 

കമ്പനികളുടെ നാലാംപാദത്തിലെ ഫലങ്ങൾ പുറത്തുവിട്ടതും നിക്ഷേപകരെ ആശങ്കയിലാക്കി. റിലയൻസ്​ ഇൻഡസ്​ട്രീസ്​, ഹിന്ദുസ്​ഥാൻ യൂനിലിവർ, ടെക്​ മഹീന്ദ്ര, മാരുതി എന്നിവയുടെ ഓഹരികൾ താഴെപ്പോയി. മാർച്ചിൽ ലോക്​ഡൗണിൻെറ പ്രത്യഘാതം ഒരാഴ്​ച മാത്രമേ ഉണ്ടായിരുന്നുള്ളുവെന്നും ജൂണിലെ കണക്കുകളിൽ മാത്ര​േമ യഥാർഥ വസ്​തുത പുറത്തു വരികയുള്ളുവെന്നുമാണ്​ വിദഗ്​ധരുടെ വിലയിരുത്തൽ. 

സെൻസെക്​സിൽ മരുന്നു കമ്പനികളായ സൺ ഫാർമ, സിപ്ല കമ്പനികൾക്ക്​​ മാത്രമേ നേട്ടമുണ്ടാക്കാൻ സാധിച്ചിട്ടുള്ളൂ. മെറ്റൽ, ബാങ്കിങ്​, ഓ​ട്ടോമൊബൈൽ എന്നിവയുടെ ഓഹരികൾ താഴെപ്പോയി. ബജാജ്​ ഫിനാൻസ്​, ഐ.സി.ഐ.സി.ഐ ബാങ്ക്​ എന്നിവയുടെ ഓഹരികളാണ്​ കനത്ത നഷ്​ടം നേരിട്ടത്​. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:business newsstock marketsensexniftymalayalam news
News Summary - Sensex crashes 2,002 points -Business news
Next Story