മുഖം തെളിയാൻ എത്രനാൾ കാത്തിരിക്കണം

വ്യാപാര-വാണിജ്യ മേഖലയിലുള്ളവരുടെ മുഖം വല്ലാതെ മങ്ങിയ നാളുകളാണിത്​; വോൾ​േട്ടജ്​ ഇല്ലാത്ത 60 വോൾട്ട്​ ബൾബുപോലെ. സാമ്പത്തിക നിരീക്ഷകർക്കും മിണ്ടാട്ടമില്ല. പതിയ സാമ്പത്തിക വളർച്ചനിരക്കി​​െൻറ കണക്കുകൾ പുറത്തുവന്നതോടെയാണിത്​. ലോകത്ത്​ ഏറ്റവും വേഗത്തിൽ വളരുന്ന സമ്പദ്​ വ്യവസ്​ഥ എന്ന പദവിയുമായി ചൈന പോയി. വ്യാപാര, വാണിജ്യ, വ്യവസായരംഗത്തുള്ളവരു​െട മുഖത്തെ പ്രകാശം തിരികെ വരാൻ ഇനി എത്രനാൾ കാത്തിരിക്കണമെന്ന ചോദ്യമാണ്​ ഉയരുന്നത്​. 

2011-12 സാമ്പത്തികവർഷത്തെ അ​ടി​സ്ഥാ​ന​വ​ർ​ഷമായി എടുത്തുകൊണ്ടുള്ള മൊ​ത്ത​വി​ല​സൂ​ചി​ക, വ്യ​വ​സാ​യ ഉ​ൽപാ​ദ​ന​സൂ​ചി​ക എന്നിവ കണക്കിലെടുത്തുള്ള വളർച്ചനിരക്ക്​ സ്​ഥിതിവിവരമാണ്​ കഴിഞ്ഞയാഴ്​ച പുറത്തുവന്നത്​. വളർച്ചനിരക്ക്​ പുറത്തുവരുന്നതിന്​ തൊട്ടുമുമ്പ്​ സാമ്പത്തിക നിരീക്ഷകർ സാധാരണക്കാർക്ക്​ നൽകിയിരുന്നത്​ വൻ പ്രതീക്ഷകളായിരുന്നു. നോട്ട്​ അസാധുവാക്കലി​​െൻറ ഗുണഫലങ്ങൾ പ്രകടമാക്കുന്ന​ വൻ കുതിപ്പ്​ വളർച്ചനിരക്കിലുണ്ടാകുമെന്നായിരുന്നു പ്രവചനം. 

വളർച്ചനിരക്ക്​ 2015ൽ 7.5 ​ശ​ത​മാ​നവും 2016-ൽ 8.3 ​ശ​ത​മാ​നവുമായിരുന്നു. എന്നാൽ, 2016 നവംബറിലെ നോട്ട്​ അസാധുവാക്കലി​​െൻറ സകല പ്രശ്​നങ്ങളും മറികടന്ന്​ 2017ൽ 7.6 ​ശ​ത​മാ​നം വളർച്ചനിരക്ക്​ എന്നായിരുന്നു പ്രവചനം. പിന്നീട്​, വരും വർഷങ്ങളിൽ വൻ കുതിപ്പ്​ എന്നും വിശകലന വാർത്തകൾ പുറത്തുവന്നിരുന്നു. പക്ഷേ, എല്ലാ പ്രതീക്ഷകളെയും തകിടംമറിച്ച്​ 2016^17സാമ്പത്തികവർഷത്തെ നാലാം പാദമായ ജ​നു​വ​രി-​, മാ​ർ​ച്ച് ത്രൈ​മാ​സ​ത്തി​ലെ വളർച്ചനിരക്ക്​ 6.1 ശ​ത​മാ​നമാണ്​. 

ഇതോടെ, ലോകത്തിൽ ഏറ്റവും വേഗത്തിൽ വളരുന്ന സമ്പദ്​വ്യവസ്​ഥ എന്ന സ്​ഥാനം തൽക്കാലത്തേക്കെങ്കിലും നഷ്​ടമായി. ചൈ​നയുടെ വ​ള​ർച്ചനിരക്ക്​ 6.9 ശ​ത​മാ​നമാണ്​. മൂന്നുവർഷത്തിനിടയിലെ ഏറ്റവും കുറഞ്ഞ വളർച്ച നിരക്കാണ്​ ഇപ്പോൾ പുറത്തുവന്നത്​. 2014^15 സാമ്പത്തികവർഷത്തിലെ ​മൂന്നാംപാദമായ ഒ​ക്‌‌​ടോ​ബ​ർ^​ഡി​സം​ബ​ർ ത്രൈ​മാ​സ​ത്തി​ലെ നിരക്ക് ആ​റു​ ശ​ത​മാ​നമായിരുന്നു. ഏതാണ്ട്​ ആ നിരക്കിനൊപ്പം താഴ്​ന്നു ഇപ്പോൾ. 

എല്ലാ മേഖലയിലും ആശങ്ക
പുതിയ വളർച്ചനിരക്കിനെതുടർന്ന്​ എല്ലാ മേഖലയിലും ആശങ്കയാണ്​. റിയൽ എസ്​റ്റേറ്റ്​ മേഖലയിൽ കടുത്ത ആശയക്കുഴപ്പമാണ്​​ നിലനിൽക്കുന്നത്​. റിയൽ എസ്​​േറ്ററ്റ്​ മേഖല കഴിഞ്ഞവർഷത്തെ ഒമ്പത്​ ശതമാനത്തിൽ നിന്ന് 2.2ലേക്ക്​ കൂപ്പുകുത്തിയെന്നാണ്​ അനൗദ്യോഗിക വിലയിരുത്തൽ. ഇൗ മേഖലയിലെ ആശയക്കുഴപ്പം കാരണം സിമൻറ്​, കമ്പി നിർമാണമേഖലയിലും മാന്ദ്യം ​പ്രകടമാണ്​. നി​ർ​മാ​ണമേ​ഖ​ല കഴിഞ്ഞ വർഷത്തെ ആ​റു​ശ​ത​മാ​നത്തിൽ നിന്ന്​ 3.7ശ​ത​മാ​നമായി ഇടിഞ്ഞു. ഉൽപാദനമേഖലയിലെ വളർച്ച  12.7ൽ നി​ന്ന് 5.3 ശ​ത​മാ​ന​മാ​യും ഇടിഞ്ഞു. ഇതോടെ മൂലധനനിക്ഷേപവും ഇടിയൽ പ്രവണത കാണിക്കുന്നതാണ്​ വ്യവസായ മേഖലയെ ആശങ്കപ്പെടുത്തുന്നത്​. 2016ലെ 3.9 ശതമാനത്തിൽ നിന്ന്​ ഇക്കുറി 2.1 ശതമാനമായാണ്​കുറഞ്ഞിരിക്കുന്നത്​. മുതൽ മുടക്കിൽ നിന്ന്​ ന്യായമായ ലാഭം കിട്ടുമെന്ന പ്രതീക്ഷയില്ലാത്തതിനാൽ വ്യവസായികളടക്കമുള്ളവർ പുതിയ മുതൽ മുടക്കിന്​ തയാറാകാത്തതാണ്​ പ്രശ്​നം. ഇപ്പോഴത്തെ അവസ്​ഥയിൽ നിന്ന്​ ഒരു തിരിച്ചുകയറ്റം എപ്പോഴെന്ന ചോദ്യമാണ്​ ഉയരുന്നത്​.

നോട്ട്​ അസാധുവാക്കൽ ചതിച്ചു
അകാലത്തിൽ പൊലിഞ്ഞുപോയ 500, ആയിരം രൂപ നോട്ടുകളുടെ ശാപമാണ്​ ഇപ്പോൾ സമ്പദ്​ വ്യവസ്​ഥയെ പിടികൂടിയിരിക്കുന്നതെന്ന വിലയിരുത്തലാണ്​ ഒരുവിഭാഗം സാമ്പത്തിക നിരീക്ഷകരുടേത്​. 2016^17 സാമ്പത്തിക വർഷത്തി​​െൻറ മൂന്നാം പാദമായ ഒക്​ടോബർ^ഡിസംബർ ത്രൈമാസത്തി​​െൻറ ഒത്തനടുക്കുവെച്ച്​, നവംബർ എട്ടിനാണ്​ കറൻസി റദ്ദാക്കൽ തീരുമാനം അപ്രതീക്ഷിതമായി പുറത്തുവന്നത്​. ആ ത്രൈമാസത്തിൽ പക്ഷേ, വളർച്ചാനിരക്ക്​ ഏഴുതമാനം കാണിച്ചു. ​അതോടെ, വളർച്ചാ നിരക്കിനെ കറൻസി റദ്ദാക്കൽ ഒരുതരത്തിലും ബാധിച്ചില്ലെന്ന വിലയിരുത്തലുകളുമായി സാമ്പത്തിക നിരീക്ഷകർ രംഗത്തുവന്നു. മാത്രമല്ല, ശരീരം നല്ല ആരോഗ്യ സ്​ഥിതിയിലായപ്പോൾ നടത്തിയ അനിവാര്യ ശസ്​ത്രക്രിയ എന്നൊക്കെ നോട്ട്​ അസാധുവാക്കലിനെ പുകഴ്​ത്തലുമുണ്ടായി. അന്നും പക്ഷേ, ഇത്​ ​പെരുപ്പിച്ച്​ കാട്ടിയ വളർച്ചാ നിരക്കാണെന്ന്​ സന്ദേഹങ്ങളുണ്ടായിരുന്നു. ആ സന്ദേഹങ്ങൾ ശരിവെക്കുന്ന സൂചനകളാണ്​ ഇ​േ​പ്പാൾ പുറത്ത്​ വന്നിരിക്കുന്നത്​. ഉൽപന്നങ്ങൾ ചില്ലറ വിപണിയിൽ കെട്ടിയേൽപിച്ചും അസാധുവാക്കിയ നോട്ടുകൾകൊണ്ട്​ നികുതിക്കുടിശ്ശിക തീർത്തുമുണ്ടായ വളർച്ചാ നിരക്കാണ്​ അന്ന്​ കാണിച്ചതെന്ന വിശകലനമാണ്​ ഇപ്പോൾ പുറത്തുവരുന്നത്​. കറൻസി റദ്ദാക്കൽ വളർച്ചാ നിരക്കിനെ പ്രതികൂലമായി ബാധിച്ചുവെന്ന്​ കേന്ദ്ര ധനമന്ത്രിക്കുപോലും സമ്മതിക്കേണ്ടിവരികയും ചെയ്​തു. 

പലിശനിരക്കും മാറില്ല
നോട്ട്​ അസാധുവാക്കിയതി​​െൻറ ദുരിതം അനുഭവിച്ചപ്പോൾ ഭവന വായ്​പയെടുത്ത സാധാരണക്കാർ പ്രതീക്ഷിച്ചത്​ പലിശ നിരക്ക്​ വൻതോതിൽ കുറയുമെന്നും അതുവഴി ഇപ്പോഴത്തെ കഷ്​ടപ്പാടി​​െൻറ ഗുണഫലം കിട്ടുമെന്നുമൊക്കെയായിരുന്നു. എന്നാൽ, ആ പ്രതീക്ഷയും തെറ്റുകയാണ്​. 2017^18 സാമ്പത്തിക വർഷത്തെ റിസർവ്​ ബാങ്കി​​െൻറ രണ്ടാം പണനപുറത്തുവരുന്ന സൂചനകൾ റിപ്പോ, റിവേഴ്​സ്​ റിപ്പോ തുടങ്ങി പ്രധാന നിരക്കുകളിലെല്ലാം തൽസ്​ഥിതി തുടരുക എന്ന നയമാണ്​ റിസർവ്​ ബാങ്ക്​ ​െകെക്കൊള്ളാനുദ്ദേശിക്കുന്നത്​ എന്നാണ്​. ജൂലൈ ഒന്നിന്​ പുതിയ ജി.എസ്​.ടി നടപ്പിൽവരുകയാണ്​. അത്​ സാമ്പത്തിക മേഖലയിൽ എന്തൊക്കെ മാറ്റങ്ങളുണ്ടാക്കുമെന്ന്​ നിരീക്ഷിച്ച ശേഷം പണ-വായ്​പ നയങ്ങളിൽ ആവശ്യമായ മാറ്റങ്ങൾ വരുത്തുമെന്നും അതുവരെ തൽസ്​ഥിതി തുടരുമെന്നുമുള്ള വിലയിരുത്തലുകളാണ്​ പുറത്തുവരുന്നത്​.