സ്​മാർട്ട്​ ഫോണും സൗകര്യങ്ങളുമില്ലാതെ സാംസങ്​ മേധാവിയുടെ ജയിൽ ജീവിതം

സിയോൾ: സ്​മാർട്ട്​ ഫോണും മറ്റ്​ ആധുനിക സൗകര്യങ്ങളുമില്ലാതെ സാംസങ്​ മേധാവി ജെ.വൈ.ലീ ദക്ഷിണകൊറിയിലെ ജയിലിൽ. സാധാരണ തടവുകാർക്ക്​ അനുവദിക്കപ്പെട്ട സൗകര്യങ്ങൾ മാത്രമാണ്​ സാംസങ്​ തലവനും  അനുവദിച്ചിരിക്കുന്നതെന്ന്​ ജയിലധികാരികൾ അറിയിച്ചു. ഗുരതരമായ കുറ്റങ്ങൾക്ക്​ ശിക്ഷിക്കപ്പെട്ട തടവ്​ പുള്ളികൾക്ക്​ ഒപ്പമാണ്​ ഇപ്പോൾ അദ്ദേഹം കഴിയുന്നത്​.

ലീക്ക്​ ഫോൺ അനുവദിക്കാൻ ജയിലധികാരികൾ തയാറായിട്ടില്ല. എന്നാൽ അദ്ദേഹം താമസിക്കുന്ന ജയിലിലെ മുറിയിൽ ടിവിയുണ്ട്​. രസകരമായ വസ്​തുത സാംസങി​െൻറ മുഖ്യ എതിരാളിയായ എൽ.ജി നിർമ്മിച്ച ടിവിയാണ്​  ഇത്​ എന്നതാണ്​. ജയിലിൽ അനുവദിച്ചിട്ടുള്ള പരിപാടികൾ ടിവിയിലൂടെ കാണാനാകും. വക്കീലിനെ കാണാനുള്ള അവസരവും അദ്ദേഹത്തിന്​ ​ ലഭ്യമാക്കിയിട്ടുണ്ടെന്നും ജയിൽ അധികാരികൾ അറിയിച്ചു.

​ദക്ഷിണ കൊറിയൻ പ്രസിഡൻറ്​ പാർക്ക്​ ജെൻ ഹെയുടെ ഇംപീച്ച്​മെൻറിന്​ വരെ കാരണമായ കേസിലാണ്​ സാംസങ്​ മേധാവി അറസ്​റ്റിലായിരിക്കുന്നത്​. സാംസങിൽ അനധിക​ൃതമായി അധികാരം സ്ഥാപിക്കാൻ സർക്കാർ അധികാരികൾക്ക്​ ജെ.വൈ.ലീ കൈക്കൂലി കൊടുത്തു എന്നാണ്​ കേസ്​.