Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightCorporateschevron_rightകോഗ്​നിസെൻറ്​...

കോഗ്​നിസെൻറ്​ മാത്രമല്ല വിപ്രോയും ഇൻഫോസിസും ജീവനക്കാരെ പിരിച്ചുവിടുന്നു

text_fields
bookmark_border
കോഗ്​നിസെൻറ്​ മാത്രമല്ല വിപ്രോയും ഇൻഫോസിസും ജീവനക്കാരെ പിരിച്ചുവിടുന്നു
cancel

ബംഗളൂരു: മുൻ നിര ​െഎ.ടി കമ്പനിയായ കോഗ്​നിസ​െൻറിന്​ പിന്നാലെ വിപ്രോയും ഇൻഫോസിസും ജീവനക്കാരെ പിരിച്ച്​ വിടാനൊരുങ്ങുന്നു. 10 മുതൽ 20 വർഷം വരെ പ്രവർത്തി പരിചയമുള്ള ജീവനക്കാരെ പിരിച്ച്​ വിടാനാണ്​ കമ്പനികളുടെ നീക്കം​. എന്നാൽ വരും വർഷങ്ങളിൽ പുതുതായി ജോലിക്കെടുത്തവരെയും മാറ്റി നിർത്തുമെന്നാണ്​​ റിപ്പോർട്ടുകൾ. അമേരിക്കൻ പൗരൻമാരെ കൂടുതൽ റിക്രൂട്ട്​ ചെയ്യാൻ തുടങ്ങിയതും പ്രതീക്ഷിച്ച നേട്ടം ​ കൈവരിക്കാൻ കഴിയാത്തതുമാണ്​ ജീവനക്കാരെ പിരിച്ച്​ വിടുന്നതിലേക്ക് നയിച്ചത്​.

വൈസ്​ പ്രസിഡൻറ്​, സിനീയർ വൈസ്​ പ്രസിഡൻറ്​, എക്​സിക്യൂട്ടിവ്​ തുടങ്ങിയ തസ്​തികയിലുള്ള 1,000 ജീവനക്കാരെയാണ്​ ​കോഗ്​നിസ​െൻറ്​ ഒഴിവാക്കാൻ തീരുമാനിച്ചത്​. ഒമ്പത്​ മാസത്തെ ശമ്പളം മുൻകൂർ നൽകി സ്വയം വിരമിക്കാനുള്ള പദ്ധതിയാണ്​ കോഗ്​നിസ​െൻറ്​ അവതരിപ്പിച്ചത്​.

ഇൻഫോസിസും കോഗ്​നിസ​െൻറിന്​ സമാനമായി 1,000 ജീവനക്കാരെയാണ്​ ആദ്യഘട്ടത്തിൽ പിരിച്ച്​ വിടുന്നത്​. പ്രൊജ്​ക്​ട്​ മ​ാനേജർ​, സീനിയർ ആർക്കിടെക്​, ഗ്രൂപ്പ്​ പ്രൊജ്​ക്​ട്​ ​മാനേജർ​ എന്നിവരെയാണ്​ ​ഒഴിവാക്കുക. പ്രവർത്തനത്തി​​െൻറ അടിസ്ഥാനത്തിൽ താഴെ തട്ടിലുള്ള 10 ശതമാനം ജീവനക്കാരെ പിരിച്ച്​ വിടാനും ഇൻഫോസിസിന്​ പദ്ധതിയുണ്ട്​. അമേരിക്കയിൽ നിന്ന്​ കൂടുതൽ പേരെ റിക്രൂട്ട്​ ചെയ്യാൻ കമ്പനി​ നേരത്തെ തീരുമാനമെടുത്തിരുന്നു.

മൂന്നാഴ്​ചക്ക്​ മുമ്പ്​ നടന്ന മീറ്റിങ്ങിൽ കമ്പനിയുടെ ലാഭത്തിൽ വർധനയുണ്ടായില്ലെങ്കിൽ 10 ശതമാനം തൊഴിലാളികളെ ഒഴിവാക്കേണ്ടി വരുമെന്ന്​ വിപ്രോ സി.ഇ.ഒ നിലപാടെടുത്തു. 1.81 ലക്ഷം തൊഴിലാളികളുള്ള വിപ്രോ 10 ശതമാനം ജീവനക്കാരെ മാറ്റി നിർത്തിയാൽ അത്​ ഇന്ത്യൻ ​െഎ.ടി മേഖലയിൽ ഉണ്ടാക്കുന്ന പ്രതിസന്ധി ചില്ലറയാവില്ല. എച്ച്​-1ബി വിസയുടെ കാര്യത്തിലുൾപ്പടെ കർശന നിലപാട്​ പുലർത്തുന്ന അമേരിക്കൻ സമീപനമാണ്​ ഇന്ത്യൻ ​െഎ.ടി കമ്പനികൾക്ക്​ തിരിച്ചടിയായത്​. നിലവിലെ സാഹചര്യത്തിൽ കൂടുതൽ തൊഴിലാളികളെ ഇന്ത്യയിൽ റിക്രൂട്ട്​ ചെയ്യുന്നത്​ കമ്പനികൾക്ക്​ ഗുണകരമാവില്ലെന്നാണ്​ വിലയിരുത്തൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:wiproinfosysCognizant
News Summary - IT industry slows, Indian companies ready for large layoffs
Next Story