സമ്പദ്​വ്യവസ്ഥ മുങ്ങുന്ന കപ്പലായതിന്​​ പിന്നിൽ

ന്യൂഡൽഹി:  തൊഴിലവസരങ്ങൾ സൃഷ്​ടിക്കാത്തതാണ്​ ഇന്ത്യൻ സമ്പദ്​വ്യവസ്ഥ മുങ്ങുന്ന കപ്പലിന്​ സമാനമായതെന്ന്​ സർവേ. ​റിസർവ്​ ബാങ്ക്​ നടത്തിയ സർവേ കൺസ്യൂമർ റെസ്​പോൺസ്​ സർവേയിലാണ്​ ഇക്കാര്യമുള്ളത്​. സർവേയിൽ  പ​െങ്കടുത്ത 43.7 ശതമാനം ആളുകളും രാജ്യത്തെ തൊഴിൽ സാഹചര്യം മോശമാണെന്ന്​ അഭിപ്രായപ്പെട്ടു. സർവേഫലം ​ നരേന്ദ്ര മോദി സർക്കാറിന്​ തലവേദനയാകും. 

2010-2011 സാമ്പത്തിക വർഷത്തിൽ ഇന്ത്യൻ സമ്പദ്​വ്യവസ്ഥയിൽ സൃഷ്​ടിക്കപ്പെട്ടത്​ 9,00,000 തൊഴിലുകളാണ്​. എന്നാൽ പിന്നീടുള്ള വർഷങ്ങളിൽ തൊഴിൽ വിപണിയിൽ കാര്യമായ വളർച്ചയുണ്ടായിട്ടില്ല. 2014ൽ അധികാരത്തിലെത്തിയ മോദി സർക്കാർ ഇൗ പ്രശ്​നത്തിൽ ശ്രദ്ധ കേന്ദ്രീക്കാത്തത്​ പ്രശ്​നം ഗുരുതരമാക്കി. തൊഴിലുകൾ സൃഷ്​ടിക്കപ്പെടുന്നത്​ ഇന്ത്യൻ സമ്പദ്​വ്യവസ്ഥയിലെ വളർച്ച നിരക്കിനും അത്യാവശ്യമാണ്​.

ഇന്ത്യയിലെ വ്യവസായ വളർച്ച പൂർണമായും മൂലധന തീവ്രമാണ്​​. ഇതിൽ തൊഴിലാളികളുടെ സാന്നിധ്യം കുറവായിരിക്കും. ഇതിനൊപ്പം പുതിയ സാഹചര്യത്തിൽ സ​ാ​േങ്കതികമായി പരീശിലനം ലഭിച്ചവർക്ക്​ മാത്രമേ ഇന്ത്യയിൽ തൊഴിൽവിപണിയിൽ സാധ്യതയുള്ളു. ​വലിയൊരു വിഭാഗം ജനങ്ങൾക്ക്​ തൊഴിൽ നൽകുന്ന ചെറുകിട വ്യവസായ മേഖല ജി.എസ്​.ടിക്കും​ നോട്ട്​ നിരോധനത്തിനും ശേഷം പൂർണമായും തകർന്ന അവസ്ഥയിലാണ്​. ഇതും തിരിച്ചടിയാണ്​.

കള്ളപണം തിരിച്ചെത്തിച്ച്​ ഒാരോരുത്തരുടേയും അക്കൗണ്ടുകളിലും 15 ലക്ഷം വീതം നിക്ഷേപിക്കുമെന്ന ഉട്യോപ്യൻ സ്വപ്​നവുമായാണ്​ മോദി അധികാരത്തിലെത്തിയത്​. 15 ലക്ഷം വീതം അക്കൗണ്ടുകളിലിട്ടില്ലെങ്കിലും നിലവിൽ സമ്പദ്​വ്യവസ്ഥയെ ബാധിച്ചിരിക്കുന്ന പ്രശ്​നങ്ങൾക്ക്​ മോദി പരിഹാരം കാണേണ്ടത്​ അത്യാവശ്യമാണെന്ന്​ വിദഗ്​ധർ നൽകുന്ന മുന്നറിയിപ്പ്​.