ഇനി അംബാനിയുടെ കറൻസിയും

19:06 PM
12/01/2018

മുംബൈ:ഡിജിറ്റൽ കറൻസി സംബന്ധിച്ച്​ ചർച്ചകൾ സജീവമാകുന്നതിനിടെ മുകേഷ്​ അംബാനിയുടെ ഉടമസ്ഥതയിലുള്ള ജിയോ ക്രിപ്​റ്റോ കറൻസി പുറത്തിറക്കുന്നു. ക്രിപ്​റ്റോ കറൻസി പുറത്തിറക്കുന്നതുമായി ബന്ധപ്പെട്ടുള്ള പ്രവർത്തനങ്ങൾക്കായി അംബാനിയുടെ മകൻ ആകാശി​​െൻറ നേതൃത്വത്തിൽ 50ത്​ പേരടങ്ങുന്ന സംഘത്തെ റിലയൻസ്​ നിയോഗിച്ചതായാണ്​ റിപ്പോർട്ട്​. ഇവരാരായിരിക്കും ജിയോ കോയിൻ എന്ന്​ പേരിട്ടിട്ടുള്ള പുതിയ കറൻസിയെ സംബന്ധിച്ച പ്രവർത്തനങ്ങൾക്ക്​ നേതൃത്വം നൽകുക. 

ക്രിപ്​റ്റോകറൻസിക്കായി ബ്ലോക്ക്​ചെയിൻ ശൃഖല വികസിപ്പിക്കുക എന്നതാണ്​ ആദ്യമായി റിലയൻസ്​ ചെയ്യുക. വിവരശേഖരണത്തിനുള്ള ഡിജിറ്റൽ ലെഡ്​ജറാണ്​ ബ്ലോക്ക്​ ചെയിൻ. വിവരങ്ങൾ വികേന്ദ്രീകൃതമായി ലഭ്യമാകുമെന്നതാണ്​ ഇതി​​െൻറ പ്രത്യേകത. ക്ലൗഡായിട്ടാണ്​ വിവരങ്ങൾ ശേഖരിക്കപ്പെടുക എന്നതിനാൽ പരിധിയി​ല്ലാതെ സൂക്ഷിക്കാനാവും. ബിറ്റ,കോയിൻ പോലുള്ള ക്രിപ്​റ്റോ കറൻസി നിർമിക്കാൻ ഇൗ സാ​​​േങ്കതിക വിദ്യയാണ്​ ഉപയോഗിക്കുക. ഇതി​​െൻറ ഭാഗമായി ജിയോ​കോയിൻ എന്ന ആപും റിലയൻസ്​ ആരംഭിക്കും.

അതേ സമയം, ബിറ്റ്​കോയിൻ പോലുള്ള ഡിജിറ്റിൽ കറൻസി ഉപയോഗിച്ച്​ ഇടപാടുകൾ നടത്തുന്നത്​ സുരക്ഷിതമല്ലെന്ന്​ ധനമന്ത്രി അരുൺ ജെയ്​റ്റ്​ലിയും ആർ.ബി.​െഎയും നേരത്തെ മുന്നനറിയിപ്പ്​ നൽകിയിരുന്നു. നിലവിൽ ഡിജിറ്റൽ കറൻസിക്ക്​ ഇന്ത്യയിൽ നിയമസാധുതയില്ല. ഡിജിറ്റൽ കറൻസി അനുവദിക്കുന്നത്​ സംബന്ധിച്ച്​ കേന്ദ്രസർക്കാർ നിലവിൽ പഠനം നടത്തുകയാണ്​.

COMMENTS