നോട്ട്​ പിൻവലിക്കൽ: ഇന്ത്യയുടെ ജി.ഡി.പി വളർച്ച കുറയുമെന്ന്​ ​െഎ.എം.എഫ്​

വാഷിങ്​ടൺ: നോട്ട്​ പിൻവലിക്കൽ മൂലം ഇന്ത്യയുടെ അഭ്യന്തര ഉൽപ്പന്ന വളർച്ച നിരക്ക്​​ കുറയുമെന്ന്​ ​അന്താരാഷ്​ട്ര നാണയ നിധി​. രാജ്യങ്ങളുടെ ജി.ഡി.പി വളർച്ചയുമായി ബന്ധപ്പെട്ട ​െഎ.എം.എഫി​െൻറ റിപ്പോർട്ടിലാണ്​ ഇക്കാര്യമുള്ളത്​. 2016-–2017 സാമ്പത്തിക വർഷത്തിലെ രാജ്യ​ത്തി​െൻറ ജി.ഡി.പി 6.6 ശതമാനമായി കുറയുമെന്നാണ്​ ​െഎ.എം.എഫി​െൻറ റിപ്പോർട്ടിലുള്ളത്​. എന്നാൽ 2017---------–2018 വർഷത്തിൽ ജി.ഡി.പി വളർച്ച 7.2 ശതമാനം വരെയെത്തുമെന്നും റിപ്പോർട്ടിൽ പരാമർശമുണ്ട്​.

കറൻസിയുടെ ക്ഷാമം മൂലം രാജ്യത്തെ ഉപഭോഗത്തിലുണ്ടായ കുറവാണ്​ താൽകാലികമായി ഇന്ത്യൻ സമ്പദ്​വ്യവസ്​ഥക്ക്​ തിരിച്ചടിയായത്​. താൽകാലിക പ്രതിസന്ധി മറികടന്ന്​ ഇന്ത്യൻ സമ്പദ്​വ്യവസ്​ഥ കരകയറുമെന്നും ​െഎ.എം.​എഫി​െൻറ റിപ്പോർട്ട്​ പറയുന്നു​.

2015–2016 സാമ്പത്തിക വർഷത്തിൽ 7.6 ശതമാനമായിരുന്നു ജി.ഡി.പി വളർച്ച. ​നോട്ട്​ പിൻവലിക്കൽ ഇന്ത്യയുടെ ജി.ഡി.പി വളർച്ചയിൽ കുറവ്​ വരുത്തുമെന്ന്​ നേരത്തെ തന്നെ പല സാമ്പത്തിക വിദഗ്​ധരും അഭിപ്രായപ്പെട്ടിരുന്നു. ഇതിന്​ പിന്നാലെയാണ്​ ഇതിന്​ സാധൂകരിക്കുന്ന റിപ്പോർട്ടുമായി ​െഎ.എം.എഫ്​ രംഗത്തെത്തുന്നത്​.