ഒാർഡിനൻസിൽ ഗവർണർ ഒപ്പിട്ടു; ജി.എസ്.ടി വിജ്ഞാപനം ഉടൻ
text_fieldsതിരുവനന്തപുരം: കേന്ദ്ര സർക്കാറിെൻറ ചരക്കുസേവന നികുതി (ജി.എസ്.ടി) സംസ്ഥാനത്തും ഉടൻ പ്രാബല്യത്തിൽ വരും. മന്ത്രിസഭ അംഗീകാരം നൽകിയ ഒാർഡിനൻസിൽ ഗവർണർ പി. സദാശിവം ഇന്നലെ ഒപ്പിട്ടു. ഉടൻ വിജ്ഞാപനം പുറപ്പെടുവിക്കാൻ ധനമന്ത്രി ഉദ്യോഗസ്ഥർക്ക് നിർദേശവും നൽകി.
ജൂലൈ ഒന്നു മുതൽ രാജ്യമാകെ നിലവിൽ വരുന്ന ജി.എസ്.ടി നിയമം കേരളത്തിലും ജമ്മു കശ്മീരിലുമാണ് നടപ്പാക്കാത്തത്. നിയമം പാസാക്കുന്നതിനു പകരം ഒാർഡിനൻസ് ഇറക്കാനാണ് മന്ത്രിസഭ തീരുമാനിച്ചത്. 181 പേജുള്ള ഒാർഡിനൻസ് കഴിഞ്ഞ ദിവസം രാജ്ഭവനിലേക്ക് എത്തിക്കുകയും ചെയ്തു.
എന്നാൽ, ഗവർണറുടെ അസാന്നിധ്യത്തിലാണ് ഒാർഡിനൻസ് എത്തിയത്. വ്യാഴാഴ്ച ഒാഫിസിലെത്തിയ ഉടൻ ഒാർഡിനൻസിൽ ഗവർണർ ഒപ്പിടുകയായിരുന്നു. ജി.എസ്.ടി പ്രാബല്യത്തിൽ വരാൻ ദിവസങ്ങൾ മാത്രം ശേഷിക്കെ അടുത്തയാഴ്ച തന്നെ വിജ്ഞാപനമിറക്കാനാണ് ധനവകുപ്പിെൻറ തിരക്കിട്ട ശ്രമം. ഇതര സംസ്ഥാന ലോട്ടറി വിഷയം ഉൾെപ്പടെയുള്ള കാര്യങ്ങളിൽ ചില ഭേദഗതികൾ വരുത്തിയിട്ടുണ്ടെന്നാണ് സൂചന. ഇക്കാര്യം ഇന്ന് ധനമന്ത്രി ഡോ. തോമസ് െഎസക് പ്രഖ്യാപിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.