കേന്ദ്രസർക്കാറി​െൻറ അടുത്ത ബജറ്റ്​ ജനകീയമാവില്ല

ന്യൂഡൽഹി: കേന്ദ്രസർക്കാറി​​െൻറ അടുത്ത പൊതു ബജറ്റ്​ ജനകീയമാവില്ലെന്ന്​ സൂചന. പ്രധാനമന്ത്രിയുടെ സാമ്പത്തിക ഉപദേശക സമിതിയിലെ അംഗമായ റാതിൻ റോയിയാണ്​ ഇതുസംബന്ധിച്ച അഭിപ്രായപ്രകടനം നടത്തിയിരിക്കുന്നത്​. ജനപ്രിയ പ്രഖ്യാപനങ്ങൾ ഉൾപ്പെടുന്ന ജനകീയ ബജറ്റായിരിക്കില്ല മോദി സർക്കാർ ഇനി അവതരിപ്പിക്കുക. ഉത്തരവാദിത്ത ബോധത്തോടെയുള്ളതാവും വരാനിരിക്കുന്ന ബജറ്റെന്നും അദ്ദേഹം പറഞ്ഞു.

മൂന്ന്​ വർഷമായി കേന്ദ്രസർക്കാർ നടപ്പിലാക്കുന്ന സാമ്പത്തിക പരിഷ്​കാരങ്ങൾ പ​ൂർത്തീകരിക്കാനുള്ള നടപടികളാവും ബജറ്റിൽ ഉണ്ടാവുക . ഏഴ്​ ശതമാനം വളർച്ച നിരക്ക്​ കൈവരിക്കാൻ സമ്പദ്​വ്യവസ്ഥക്ക്​ സാധിക്കുമെന്നും അദ്ദേഹം പ്രതീക്ഷ പ്രകടപ്പിച്ചു. ഇന്ത്യയുടെ അടുത്ത പത്ത്​ വർഷത്തേക്കുള്ള സാമ്പത്തിക നയങ്ങളെ സംബന്ധിച്ച്​ സർക്കാറിന്​ വ്യക്​തമായ ധാരണയുണ്ട്. രാജ്യത്ത്​ നിലനിൽക്കുന്ന തൊഴിൽ പ്രശ്​നം പരിഹരിക്കാൻ കഴിയുമെന്നാണ്​ പ്രതീക്ഷയെന്നും റോയി ചൂണ്ടിക്കാട്ടി.

2019ൽ ലോക്​സഭ തെരഞ്ഞെടുപ്പ്​ നടക്കാനിരിക്കെ കേന്ദ്രസർക്കാറി​​െൻറ ബജറ്റ്​ ജനപ്രിയമാവുമെന്ന്​ നേരത്തെ വാർത്തകളുണ്ടായിരുന്നു. എന്നാൽ, ഇതിന്​ വിരുദ്ധമായി യാഥർഥ്യ ബോധത്തോടെയുള്ള ബജറ്റായിരിക്കും അവതരിക്കുകയെന്ന സൂചനകളാണ്​ പുറത്ത്​ വരുന്നത്​.