എസ്.ബി.െഎയുടെ മൂന്നാം പാദ ലാഭത്തിൽ വർധന
text_fields
ന്യൂഡൽഹി: എസ്.ബി.െഎയുടെ മൂന്നാം പാദ ലാഭത്തിൽ വർധനവ്. 2015ലെ രണ്ടാം പാദത്തിന് ശേഷം ഇതാദ്യമായാണ് എസ്.ബി.െഎയുടെ ലാഭത്തിൽ വർധന ഉണ്ടാവുന്നത്. അസോസിയേറ്റ് ബാങ്കുകളുടെ ലാഭം കണിക്കിലെടുക്കാതെ മൂന്നാം പാദത്തിൽ 134 ശതമാനത്തിെൻറ വർധനവ് രേഖപ്പെടുത്തി. 26.1 ബില്യൺ രൂപയാണ് ഡിസംബറിലവസാനിച്ച മൂന്നാം പാദത്തിലെ എസ്.ബി.െഎയുടെ ലാഭം. കഴിഞ്ഞ വർഷം ഇത് 11.6 ബില്യൺ രൂപ ആയിരുന്നു.
എസ്.ബി.െഎയിലെ കിട്ടാകടം വർധിക്കുകയാണെന്നും മൂന്നാം പാദത്തിലെ റിപ്പോർട്ടിലും രേഖപ്പെടുത്തിയിട്ടുണ്ട്. എങ്കിലും നാലാം പാദത്തിലും എസ്.ബി.െഎയുടെ ലാഭം വർധിക്കാനാണ് സാധ്യത. നോട്ട് പിൻവലിക്കലിെൻറ ഫലമായി എസ്.ബി.െഎ ഉൾപ്പടെയുള്ള ബാങ്കുകളിൽ വൻതോതിൽ പണം നിക്ഷേപിക്കപ്പെട്ടിരുന്നു. ഇത് ബാങ്കുകൾക്ക് ഗുണകരമാവുമെന്നാണ് സൂചന.
എസ്.ബി.െഎയുടെ ഭാഗമായ ആറ് അസോസിയേറ്റ് ബാങ്കുകൾ എസ്.ബി.െഎയിൽ ലയിപ്പിക്കുന്നതിനുള്ള നടപടികളുമായി ബാങ്ക് മുന്നോാട്ട് പോവുകയാണ്. ഇതും വരും വർഷങ്ങളിൽ ബാങ്കിന് ഗുണകരമാവും. ലയനം നടപ്പിലായാൽ ലോകത്തിലെ ബാങ്കുകളുടെ പട്ടികയിൽ ആദ്യ പത്തിൽ എസ്.ബി.െഎ ഇടപിടിക്കും
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
