നമുക്കും സൂര്യകാന്തിപ്പാടമൊരുക്കാം

  • സൂര്യകാന്തിപ്പാടം ഇനി സ്വപ്​നമല്ല; സൂര്യകാന്തികൃഷിക്ക്​ വിജയം കൊയ്​ത കർഷക​െൻറ കൃഷിക്കുറിപ്പ്​

പ്രശാന്ത്
10:12 AM
21/03/2017
സൂര്യകാന്തിപ്പാടത്ത്​ ശശിധര​ൻ

 
മലപ്പുറം  പെരിന്തൽമണ്ണ താലൂക്കിലെ പുലാമ​േന്താളിൽ  മഞ്ഞപ്പട്ടണിഞ്ഞ സൂര്യശോഭയാർന്ന പാടം കണ്ടാൽ അദ്​ഭുതപ്പെടേണ്ട. പുലാമ​േന്താളിലാണ്​ കർഷകനായ ചോലപറമ്പത്ത്​ ശശിധരൻ പാട്ടത്തിനെടുത്ത ഒരു ഏക്കറിൽ  സൂര്യകാന്തിപ്പാടമൊരുക്കിയത്​. പരീക്ഷണാടിസ്​ഥാനത്തിൽ ചെയ്​ത കൃഷി​ വിജയം കണ്ടത്​ തുടർകൃഷിക്ക്​ ശശിധരനെ പ്രേരിപ്പിച്ചു. പുതിയ നെൽവിത്തിനങ്ങൾ സൃഷ്​ടിച്ച്​ പ്രശസ്​തി നേടിയ കർഷകനായ ശശിധരൻ കേരളം സൂര്യകാന്തി കൃഷിക്ക്​ അനുയോജ്യമായ മണ്ണാണെന്ന്​ ഉറച്ചുവിശ്വസിക്കുന്നു.  സൂര്യകാന്തി കൃഷിയുടെ വിവിധ ഘട്ടങ്ങളിൽ ശ്രദ്ധിക്കേണ്ട കാര്യങ്ങളെക്കുറിച്ച്​ വിജയം കൊയ്യാൻ ശശിധര​െൻറ കൃഷിക്കുറിപ്പ്​:
 
1. നിലമൊരുക്കൽ
നന്നായി ഉഴുത്​ മറിച്ച്​ കട്ടപൊടിച്ച്​ പരുവപ്പെടുത്തി ജൈവവളം ചേർത്ത്​ വെള്ളം ഒഴിിഞ്ഞുപോവത്തക്ക വിധത്തിൽ നീളം അഞ്ചു ​മീറ്റർx ഒരു മീറ്റർ വീതി ബെഡ്​ രൂപത്തിൽ നിലമൊരുക്കുക
 
2. വിത്തിടൽ
ഒരടി അകലത്തിൽ ചെടികൾ തമ്മിലും വരി അകലത്തിലും കുഴിയെടുത്ത്​ വിത്തിടുക.
 
3. ജലസേചനം
ഇൗർപ്പമില്ലാത്ത മണ്ണിൽ തയ്യാറാക്കിയ ചാലിൽ വെള്ളം കടത്തിവിട്ട്​ നനക്കുക. വെള്ളം കെട്ടി നിൽക്കാതെ സൂക്ഷിക്കുക
 
4. വളപ്രയോഗം
വിത്തിട്ട്​ നലുദിവസം മുളച്ചുപൊന്തുന്ന  ചെടിക്ക്​ 20 ദിവസം നനക്കുക. 20ാം ദിവസം ഗോമൂത്രം അല്ലെങ്കിൽ എൻ.പി.കെ 10 ലിറ്ററിന്​ 20 മില്ലി കണക്കിന്​ ലായനി തളിച്ചുകൊടുക്കുക
 
5. പൂവിടൽ
50- 55 ദിവസത്തിനുള്ളിൽ ചെടികൾ പൂവിട്ടുതുടങ്ങും . ഇൗ സമയങ്ങളിൽ ജൈവകീടനാശിനികളോ രാസ കീടനാശിനികളോ തളിക്കാൻ പാടില്ല. കാരണം തേനീച്ച , ഉറുമ്പ, വണ്ടുകൾ എന്നിവ പൂക്കളിൽ വരാതിരിക്കുകയും പരാഗണം നടക്കാശത പോവുകയും ചെയ്യും. പരാഗണം നടന്നില്ലെങ്കിൽ വിളവിനെ പ്രതികൂലമായി ബാധിക്കും. 
സൂര്യകാന്തിപ്പാടത്ത്​ ശശിധര​ൻ
 

 

 
6. സൂര്യകാന്തിപ്പൂക്കൾ സൂര്യനൊപ്പം കറങ്ങുന്നത്​ ചെടിയിൽ അടങ്ങിയ ഒരു ഹോർമോണി​െൻറ പ്രവർത്തനം മൂലമാണ്​.
 
7. പൂക്കൾ വിരിഞ്ഞ്​ 75 ാം ദിവസം ഇതളുകൾ കൊഴിഞ്ഞ്​ തുടങ്ങു​േമ്പാൾ കൊയ്​തെടുത്ത്​ (പൂക്കൾ മാത്രം) വെയിലിൽ ഉണക്കി ഒരു കമ്പ്​ കൊണ്ട്​ തല്ലി വിത്തിനെ വേർതിരിക്കുക.
 
8. കൃഷിക്ക്​ ഡിസംബർ, ജനുവരി, ഫെബ്രുവരി മാസങ്ങൾ ​േകരളത്തിൽ അനുയോജ്യമാണ്​.
 
9. 90 ദിവസം മുതൽ 150 ദിവസം വരെ പ്രായമുള്ള ഇനങ്ങൾ സൂ​ര്യകാന്തിയിലുണ്ട്​.
 
10. എള്ള്​ ആട്ടിയെടുക്കുന്ന ചക്കിൽ സൂര്യകാന്തി അരി ആട്ടിയെടുത്ത്​ സൺഫളവർ ഒായിൽ ഉപയോഗിക്കാം.
 
11. സൂര്യകാന്തി എണ്ണ ആട്ടിയെടുക്കു​േമ്പാൾ കിട്ടുന്ന പിണ്ണാക്ക്​ ഒന്നാന്തരം കാലിത്തീറ്റയാണ്​.
 
12. വിത്ത്​ വിശ്വാസമുള്ള കർഷകരിൽ നിന്ന്​ മാത്രം ശേഖരിക്കുക. സൂര്യകാന്തി വിത്തിട്ട്​ മുളക്കാതെ വരു​േമ്പാൾ മാത്രമാണ്​ പല കർഷകരും കബളിക്കപ്പെട്ടു എന്നറിയുന്നത്​. കൃഷിയുടെ ആരംഭത്തിൽ തന്നെ മുടക്കുമുതൽ  ഒന്നായി ചെലവഴിക്കേണ്ടിവരുന്നതാണെന്ന്​ പ്രത്യേകം ഒാർമ്മിക്കുക.
 
13. കറുത്ത മണൽ കലർന്ന മണ്ണാണ്​ സൂര്യകാന്തികൃഷിക്ക്​ അനുയോജ്യം. ഒന്നര അടി താഴ്​ചയിൽ വേരുകൾ താഴ്​ന്ന്​ പോകും. അതിനാൽ തുടർന്ന്​ കൃഷിചെയ്യു​േമ്പാൾ കൂടുതൽ ജൈവവളം മണ്ണിൽ ​േചർക്കണം. 
 
14. രോഗ കീടബാധ^ ഇലപ്പുള്ളി രോഗം സൂര്യകാന്തിയെ ബാധിക്കു​മെങ്കിലും കാര്യമായ രോഗബാധ ഏൽക്കാറില്ല.
 
15. കൂടുതൽ ഇൗർപ്പമുള്ള മണ്ണിൽ സൂര്യകാന്തികൃഷി ചെയ്യാതിരിക്കുന്നതാണ്​ നല്ലത്​.
 
16.തണൽ ബാധിക്കുന്ന ഇടങ്ങളിലും വെള്ളം കെട്ടി നിൽക്കുന്ന പാടശേഖരങ്ങളും കൃഷിക്ക്​ അനുയോജ്യമല്ല.

COMMENTS