നെ​ല്ല്​ നാ​ട്​ നീ​ങ്ങു​ന്നു​?

  • സംസ്ഥാനത്ത്​ നെല്ലുൽപാദനത്തിൽ 20.53 ശതമാനത്തി‍െൻറ കുറവ്​

  • ഇ​​ക്ക​​ണോ​​മി​​ക്സ് ആ​​ൻ​​ഡ്  സ്​​​റ്റാ​​റ്റി​​സ്​​​റ്റി​​ക്സ് വ​​കു​​പ്പി​​േൻറതാണ്​  കണക്ക്

09:23 AM
29/12/2017
Paddy

കു​ഴ​ൽ​മ​ന്ദം: സം​സ്ഥാ​ന​ത്തെ നെ​ല്ലു​ൽ​പാ​ദ​ന​ത്തി​ൽ 20.53 ശ​ത​മാ​ന​ത്തി‍​െൻറ കു​റ​വ്. കൃ​ഷി​വ​കു​പ്പി​ന്​ കീ​ഴി​ലെ ഇ​ക്ക​ണോ​മി​ക്സ് ആ​ൻ​ഡ് സ്​​റ്റാ​റ്റി​സ്​​റ്റി​ക്സ് വ​കു​പ്പ് പു​റ​ത്തു​വി​ട്ട ക​ണ​ക്കി​ലാ​ണ് ഇ​ത്ര​യും കു​റ​വ് രേ​ഖ​പ്പെ​ടു​ത്തി​യി​ട്ടു​ള്ള​ത്. ക​ഴി​ഞ്ഞ അ​ഞ്ച് വ​ർ​ഷ​ത്തെ ഏ​റ്റ​വും കു​റ​ഞ്ഞ ഉ​ൽ​പാ​ദ​ന​മാ​ണ്​ ക​ഴി​ഞ്ഞ സീ​സ​ണി​ൽ ഉ​ണ്ടാ​യ​ത്. 4,36,482.54 ട​ൺ നെ​ല്ലാ​ണ് സം​സ്ഥാ​ന​ത്ത്​ ഉ​ൽ​പാ​ദി​പ്പി​ച്ച​ത്.

ഒ​ന്നാം വി​ള​ക്ക് 1,61,181.07 ട​ണ്ണും ര​ണ്ടും മൂ​ന്നും വി​ള​​ക്ക് യ​ഥാ​ക്ര​മം 1,41,396.66, 1,27,904.80 ട​ൺ വീ​ത​വും നെ​ല്ലാ​ണ് ഉ​ൽ​പാ​ദി​പ്പി​ച്ച​ത്. നെ​ല്ലു​ൽ​പാ​ദ​ന​ത്തി​ൽ മു​ന്നി​ൽ നി​ൽ​ക്കു​ന്ന​ത് പാ​ല​ക്കാ​ടാ​ണ്. 1,44,274.84 ട​ൺ ആ​ണ് ക​ഴി​ഞ്ഞ വ​ർ​ഷം ജി​ല്ല​യി​ൽ ഉ​ൽ​പാ​ദി​പ്പി​ച്ച​ത്. ര​ണ്ടാം സ്ഥാ​നം ആ​ല​പ്പു​ഴ​ക്കാ​ണ് -1,02,438.72 ട​ൺ. 1630.55 ട​ൺ മാ​ത്രം ഉ​ൽ​പാ​ദി​പ്പി​ച്ച ഇ​ടു​ക്കി​യി​ലാ​ണ്​ ഏ​റ്റ​വും കു​റ​വ്.  2015-16 വ​ർ​ഷ​ത്തി​ൽ 1,96,870 ഹെ​ക്ട​റി​ൽ കൃ​ഷി​യി​റ​ക്കി​യെ​ങ്കി​ൽ 2016-17ൽ ​ഇ​ത്​ 1,71,398 ഹെ​ക്ട​റി​ലാ​യി ചു​രു​ങ്ങി. 2015-16 വ​ർ​ഷ​ത്തി​ൽ 5,49,275 ട​ണ്ണാ​ണ് ഉ​ൽ​പാ​ദ​ന​മെ​ങ്കി​ൽ 2016-17ൽ 4,36,482 ​ട​ണ്ണാ​യി കു​റ​ഞ്ഞു.

ക​ഴി​ഞ്ഞ വ​ർ​ഷം ഹെ​ക്ട​റി​ന് 2,547 കി​ലോ ല​ഭി​ച്ച​പ്പോ​ൾ തൊ​ട്ടു മു​ൻ വ​ർ​ഷം 2,790- കി​ലോ​യാ​യി​രു​ന്നു. ക​ഴി​ഞ്ഞ സാ​മ്പ​ത്തി​ക വ​ർ​ഷം സം​സ്ഥാ​ന​ത്ത് അ​നു​ഭ​വ​പ്പെ​ട്ട രൂ​ക്ഷ​മാ​യ വ​ര​ൾ​ച്ച​യാ​ണ് നെല്ലുൽപാദനം കുറയാൻ കാ​ര​ണ​മെ​ന്നാ​ണ് വി​ദ​ഗ്ധ​രു​ടെ വി​ല​യി​രു​ത്ത​ൽ. പാ​ല​ക്കാ​ട് ജി​ല്ല​യെ​യാ​ണ് വ​ര​ൾ​ച്ച കൂ​ടു​ത​ൽ ബാ​ധി​ച്ച​ത്. ജി​ല്ല​യി​ൽ മാ​ത്രം 22,000 ഹെ​ക്ട​റാ​ണ് ത​രി​ശി​ട്ട​ത്. സം​സ്ഥാ​ന​ത്ത് ഏ​റ്റ​വു​മ​ധി​കം നെ​ൽ​കൃ​ഷി​യി​റ​ക്കു​ന്ന​ത് പാ​ല​ക്കാ​ടാ​ണ്. ജി​ല്ല​യി​ലെ ഉ​ൽ​പാ​ദ​ന കു​റ​വാ​ണ് സം​സ്ഥാ​ന​ത്തും ബാ​ധി​ച്ച​ത്. നാ​ളി​കേ​രം, അ​ട​ക്ക, ക​പ്പ, നേ​ന്ത്ര​ക്കാ​യ, കു​രു​മു​ള​ക്, ഇ​ഞ്ചി, മ​ഞ്ഞ​ൾ തു​ട​ങ്ങി​യ കൃ​ഷി​ക​ളെ​യും വ​ര​ൾ​ച്ച കാ​ര്യ​മാ​യി ബാ​ധി​ച്ചി​ട്ടു​ണ്ട്. ഡി​സം​ബ​ർ 18നാ​ണ് റി​പ്പോ​ർ​ട്ട് പ്ര​സി​ദ്ധ​പ്പെ​ടു​ത്തി​യ​ത്. 

COMMENTS