Sorry, you need to install flash to see this content.

view counter

ചരമവാര്‍ത്തകള്‍

തീപ്പൊള്ളലേറ്റ് ചികില്‍സയിലായിരുന്ന വീട്ടമ്മ മരിച്ചു

നെടുമങ്ങാട്: തീപ്പൊള്ളലേറ്റ് ചികില്‍സയിലായിരുന്ന വീട്ടമ്മ മരിച്ചു. കുശര്‍ക്കോട്, പാളയത്തുംമുകള്‍, കുഴിവിള വീട്ടില്‍ കുഞ്ഞുമോള്‍ (46) ആണ് മരിച്ചത്. ജൂലൈ 22ന് രാത്രി വിളക്കില്‍ നിന്ന് തീപടര്‍ന്ന് ഗുരുതരമായി പൊള്ളലേറ്റ് മെഡിക്കല്‍ കോളജ് ആശുപത്രിയില്‍ ചികില്‍സയിലായിരുന്നു. കഴിഞ്ഞ ദിവസം രാത്രി മരിച്ചു. ഭര്‍ത്താവ്: നസീര്‍. മക്കള്‍: ബിന്ദുപ്രിയ. മരുമക്കള്‍: ബിനു, സുകേഷ്.

തീപ്പൊള്ളലേറ്റ വീട്ടമ്മ മരിച്ചു

കാട്ടാക്കട: തീപ്പൊള്ളലേറ്റ് മെഡിക്കല്‍ കോളജ് ആശുപത്രിയില്‍ ചികില്‍സയിലായിരുന്ന വീട്ടമ്മ മരിച്ചു. തേവന്‍കോട് ഇളംപ്ലാമൂട് വളവില്‍ വീട്ടില്‍ ജസ്റ്റിന്‍ രാജിന്റെ ഭാര്യ വിന്‍സി (24) ആണ് മരിച്ചത്. ജൂലൈ 25ന് അടുക്കളയില്‍ വെച്ച് സ്റ്റൗവില്‍നിന്ന് ശരീരത്തില്‍ തീപടര്‍ന്നാണ് പൊള്ളലേറ്റതെന്ന് കാട്ടാക്കട പൊലീസ് അറിയിച്ചു. മകന്‍: അബി.

കിണറ്റില്‍ വീണു മരിച്ചു

കോടാലി:കിണറ്റില്‍ വീണ് വൃദ്ധന്‍ മരിച്ചു.നൂലുവള്ളി മാണൂക്കാടന്‍ മാധവനാണ്(70) മരിച്ചത്.വ്യഴാഴ്ച ഉച്ചയോടെയാണ് സംഭവം.സംസ്‌കാരം വെള്ളിയാഴ്ച രാവിലെ  8.30ന് വീട്ടുവളപ്പില്‍.ഭാര്യ:കമല.മക്കള്‍:ഉണ്ണികൃഷ്ണന്‍,സുബ്രഹ്മണ്യന്‍,രാജന്‍(ഷാര്‍ജ).മരുമക്കള്‍:സുനിത,ഭവിത,ഗീത.

ബസിടിച്ച് പരിക്കേറ്റയാള്‍ മരിച്ചു

കഴക്കൂട്ടം: സ്വകാര്യ ബസിടിച്ച് പരിക്കേറ്റ് ചികില്‍സയിലായിരുന്ന കെ.എസ്.ഇ.ബി അഞ്ചല്‍ സെക്ഷനിലെ ഉദ്യോഗസ്ഥന്‍ മുരുക്കുംപുഴ ചിലമ്പില്‍ ചിത്തിരഭവനില്‍ എസ്. അനില്‍കുമാര്‍ (38) മരിച്ചു. കഴിഞ്ഞ 26ന് രാവിലെ ബൈക്കില്‍ ജോലിക്ക് പോകുമ്പോള്‍ കിളിമാനൂരില്‍ വെച്ചാണ് ബസിടിച്ചത്. ഹെല്‍മെറ്റ് ഉണ്ടായിരുന്നെങ്കിലും തലയ്ക്ക് ഗുരുതരപരിക്കേറ്റിരുന്നു. ഭാര്യ: അര്‍ച്ചന. മക്കള്‍: അഭിഷേക്, അനഘ, അനശ്വര.

വിദ്യാര്‍ഥിനി തീകൊളുത്തി മരിച്ചു

കായംകുളം: പ്ലസ്‌വണ്‍ പ്രവേശനത്തിന് അര്‍ഹത ലഭിക്കാത്തതില്‍ മനംനൊന്ത് വിദ്യാര്‍ഥിനി ആത്മഹത്യചെയ്തു. കണ്ടല്ലൂര്‍ വടക്ക് പൂവന്‍തറയില്‍ രമണന്റെ മകള്‍ രമ്യയാണ് (17) മരിച്ചത്. കൂട്ടുകാരികള്‍ക്കൊപ്പം പ്രവേശനത്തിന് അപേക്ഷിച്ചെങ്കിലും രമ്യക്ക് മാത്രം ലഭിച്ചില്ല. ബുധനാഴ്ച വീട്ടില്‍ മണെ്ണണ്ണ ഒഴിച്ച് തീകൊളുത്തിയ നിലയില്‍ കണ്ടെത്തിയ രമ്യയെ ആലപ്പുഴ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മാതാവ്: ശാന്ത. സഹോദരന്‍: രഞ്ജിത്.
Syndicate content
Share/Bookmark