ഡെ​ങ്കി​പ്പ​നി നി​യ​ന്ത്ര​ണ ന​ട​പ​ടി​ക​ൾ ശ​ക്ത​മാ​ക്കി ബി.​ബി.​എം.​പി

ബം​​ഗ​ളൂ​രു: ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ മ​ഴ​യെ​ത്തു​ട​ർ​ന്ന് ഡെ​ങ്കി​പ്പ​നി നി​യ​ന്ത്ര​ണ ന​ട​പ​ടി​ക​ൾ ശ​ക്ത​മാ​ക്കി ബൃ​ഹ​ത് ബം​​ഗ​ളൂ​രു മ​ഹാ​ന​​ഗ​ര പാ​ലി​കെ. രോ​ഗ​വ്യാ​പ​നം കു​റ​ക്കു​ന്ന​തി​നാ​യി ബി.​ബി.​എം.​പി എ​ല്ലാ വാ​ർ​ഡു​ക​ളി​ലും കൊ​തു​ക് നി​വാ​ര​ണ ബോ​ധ​വ​ത്ക​ര​ണ​വും കൊ​തു​കു​ക​ളെ ന​ശി​പ്പി​ക്കാ​ൻ മ​രു​ന്ന് ത​ളി​ക്ക​ലും ആ​രം​ഭി​ച്ചി​ട്ടു​ണ്ട്.

മ​ഴ തു​ട​ങ്ങു​ന്ന​തോ​ടെ വെ​ള്ളം കെ​ട്ടി​ക്കി​ട​ക്കു​ന്ന​ത് കൊ​തു​കു​ക​ളു​ടെ പ്ര​ജ​ന​ന കേ​ന്ദ്ര​ങ്ങ​ളാ​കു​ന്ന​തി​നാ​ൽ ഫോ​ഗി​ങ്, സ്‌​പ്രേ​യി​ങ് തു​ട​ങ്ങി​യ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ അ​നി​വാ​ര്യ​മാ​ണ്.

പൂ​ച്ച​ട്ടി​ക​ൾ, വ​ലി​ച്ചെ​റി​യു​ന്ന ട​യ​റു​ക​ൾ, വാ​ട്ട​ർ ടാ​ങ്കു​ക​ൾ, കു​പ്പി​ക​ൾ എ​ന്നി​വ​യു​ൾ​പ്പെ​ടെ കെ​ട്ടി​ക്കി​ട​ക്കു​ന്ന വെ​ള്ളം ഒ​ഴി​വാ​ക്കേ​ണ്ട​തി​ന്റെ പ്രാ​ധാ​ന്യ​ത്തെ​ക്കു​റി​ച്ചും മ​ലി​ന​ജ​ലം കെ​ട്ടി​ക്കി​ട​ക്കു​ന്ന​ത് ത​ട​യേ​ണ്ട​തി​ന്റെ ആ​വ​ശ്യ​ക​ത​യെ​ക്കു​റി​ച്ചും ബി.​ബി.​എം.​പി ക​മീ​ഷ​ണ​ർ വി​കാ​സ് കി​ഷോ​ർ ഓ​ർ​മി​പ്പി​ച്ചു. മ​ഴ​ക്കാ​ല​ത്ത് ഡെ​ങ്കി​പ്പ​നി കു​റ​ക്കു​ക​യും പൊ​തു​ജ​നാ​രോ​ഗ്യം സം​ര​ക്ഷി​ക്കു​ക​യു​മാ​ണ് ബി.​ബി.​എം.​പി​യു​ടെ മു​ൻ​​ഗ​ണ​ന​യെ​ന്ന് ക​മ്മീ​ഷ​ണ​ർ പ​റ​ഞ്ഞു.

ക​ഴി​ഞ്ഞ 13 ദി​വ​സ​ത്തി​നി​ടെ 172 ഡെ​ങ്കി കേ​സു​ക​ളാ​ണ് റി​പ്പോ​ർ​ട്ട് ചെ​യ്ത​ത്. ഇ​തി​ൽ ബൊ​മ്മ​ന​ഹ​ള്ളി​യി​ലാ​ണ് കൂ​ടു​ത​ൽ കേ​സു​ക​ൾ റി​പ്പോ​ർ​ട്ട് ചെ​യ്ത​ത്.