കമ്പംമെട്ട് -വണ്ണപ്പുറം ഹൈവേ നിർമാണം: റോഡിനോളം നീളത്തിൽ പരാതി

നെ​ടു​ങ്ക​ണ്ടം: ക​മ്പം​മെ​ട്ട്- വ​ണ്ണ​പ്പു​റം സ്റ്റേ​റ്റ് ഹൈ​വേ നി​ർ​മാ​ണ പ്ര​വ​ര്‍ത്ത​ന​ത്തി​ല്‍ റോ​ഡി​നേ​ക്കാ​ള്‍ ദൈ​ര്‍ഘ്യ​മാ​ണ് നി​ർ​മാ​ണ​ത്തി​ലെ പി​ഴ​വു​ക​ള്‍ക്ക്.

റോ​ഡി​ന്റെ ആ​ദ്യ ഘ​ട്ടം നി​ർ​മാ​ണം ആ​രം​ഭി​ച്ച​തു​മു​ത​ല്‍ പി​ഴ​വു​ക​ൾ ചൂ​ണ്ടി​ക്കാ​ട്ടി നാ​ട്ടു​കാ​ര്‍ പ​രാ​തി​യു​മാ​യി രം​ഗ​ത്തെ​ത്തി. ഒ​രു കി​ലോ​മീ​റ്റ​റി​ന് 2.75 കോ​ടി ര​ണ്ട്​ കോ​ടി 75 ല​ക്ഷം മു​ട​ക്കി നി​ര്‍മ്മി​ക്കു​ന്ന ടാ​റി​ങ്ങ്​ സം​ബ​ന്ധി​ച്ചാ​ണ് നി​ല​വി​ലെ പ​രാ​തി. നെ​ടു​ങ്ക​ണ്ട​ത്തി​ന​ടു​ത്ത് ക​ല്ലാ​ര്‍ ബ​ഥ​നി ആ​ശ്ര​മ​ത്തി​ന്​ സ​മീ​പം ക​ഴി​ഞ്ഞ ദി​വ​സം ന​ട​ത്തി​യ ടാ​റി​ങ് കി​ലോ​മീ​റ്റ​റു​ക​ളോ​ളം നീ​ള​ത്തി​ല്‍ വി​ണ്ട് പൊ​ട്ടി​യ​തി​ന്​ പു​റ​മെ പൊ​ളി​ച്ചെ​ടു​ക്കാ​വു​ന്ന രീ​തി​യി​ലാ​ണ്. മ​ണ്ണി​ന്​ മു​ക​ളി​ല്‍ വെ​റു​തെ ടാ​ര്‍ ഉ​രു​ക്കി ഒ​ഴി​ച്ചി​രി​ക്കു​ക​യാ​ണ്.

മ​ണ്ണും ടാ​റും വ​ലി​യ ക​ഷ​ണ​ങ്ങ​ളാ​യി അ​ട​ര്‍ന്നു പോ​രു​ക​യാ​ണ്. ടാ​റി​ങ്ങ്​ ന​ട​ന്നി​ട​ത്ത് വൈ​ദ്യു​തി പോ​സ്റ്റ് പോ​ലും റോ​ഡി​ലാ​ണ്. ഗു​ണ​നി​ല​വാ​ര​മി​ല്ലാ​ത്ത നി​ർ​മാ​ണ​മാ​ണെ​ന്നാ​ണ് തു​ട​ക്കം മു​ത​ലു​ള്ള ആ​രോ​പ​ണം. ക​ല്ലാ​ര്‍ ബ​ഥ​നി ആ​ശ്ര​മ​ത്തി​ന്‌ സ​മീ​പം നി​ർ​മി​ച്ച ക​ലു​ങ്കി​ന്റെ ഫി​ല്ല​റി​ന് ഉ​പ​യോ​ഗി​ച്ച ക​മ്പി​ക്ക് കു​ട​ക്ക​മ്പി​യു​ടെ വ​ലു​പ്പ​മാ​ണു​ള്ള​തെ​ന്ന ആ​ക്ഷേ​പം മു​മ്പ് ഉ​യ​ർ​ന്നി​രു​ന്നു.

ഹൈ​വേ​യു​ടെ ആ​ദ്യ റീ​ച്ചാ​യ ക​മ്പ​മെ​ട്ട്​ എ​ഴു​കും​വ​യ​ല്‍ ആ​ശാ​രി​ക്ക​വ​ല വ​രെ​യു​ള്ള ഭാ​ഗ​ത്തെ നി​ര്‍മാ​ണ പ്ര​വ​ര്‍ത്ത​ന​ങ്ങ​ളാ​ണ് പു​രോ​ഗ​മി​ക്കു​ന്ന​ത്. ലെ​വ​ലിം​ഗ് പ്ര​വ​ര്‍ത്ത​ന​ങ്ങ​ളും സം​ര​ക്ഷ​ണ​ഭി​ത്തി​ക​ളും വേ​ണ്ട രീ​തി​യി​ല്‍ തീ​ര്‍ക്കാ​തെ​യാ​ണ് റോ​ഡ് നി​ര്‍മാ​ണ​മെ​ന്ന ആ​രോ​പ​ണ​വു​മു​ണ്ട്.

പ​ല ഭാ​ഗ​ത്തും റോ​ഡ് ഉ​യ​ര്‍ത്തി​യ​തി​ന്റെ ഭാ​ഗ​മാ​യി മു​മ്പ​ത്തേ​ക്കാ​ള്‍ മൂ​ന്ന്​ മു​ത​ല്‍ അ​ഞ്ച്​ അ​ടി വ​രെ ഉ​യ​രം വ​ര്‍ധി​ച്ചി​ട്ടു​ണ്ട്. ഇ​വി​ടെ സം​ര​ക്ഷ​ണ ഭി​ത്തി​ക​ളോ മ​റ്റു സു​ര​ക്ഷ സം​വി​ധാ​ന​ങ്ങ​ളോ ഒ​രു​ക്കി​യി​ട്ടി​ല്ല.

വ​ലി​യ വ​ള​വു​ക​ളു​ള്ള ചി​ല ഭാ​ഗ​ങ്ങ​ളി​ല്‍ ടാ​റി​ങ്ങി​ന്​ മാ​ത്ര​മു​ള്ള വീ​തി​യാ​ണ് റോ​ഡി​ല്‍ ഉ​ള്ള​ത്. മ​തി​യാ​യ വീ​തി ക​ണ്ടെ​ത്താ​തെ​യും ഓ​ട​ക​ള്‍ നി​ര്‍മി​ക്കാ​തെ​യും അ​ശാ​സ്ത്രീ​യ​മാ​യാ​ണ് ഈ ​ഭാ​ഗ​ങ്ങ​ളി​ല്‍ റോ​ഡ് നി​ര്‍മി​ക്കു​ന്ന​തെ​ന്നും പ​റ​യു​ന്നു. റോ​ഡ് സു​ര​ക്ഷ​ക്കാ​യി ഐ​റീ​ഷ് ഓ​ട നി​ർ​മി​ക്കു​മെ​ന്ന് പ​റ​ഞ്ഞി​രു​ന്നെ​ങ്കി​ലും അ​തു​മി​ല്ല. 2016 ല്‍ ​പ്ര​ഖ്യാ​പി​ച്ച പ​ദ്ധ​തി​യാ​ണി​ത്.

ഹൈ​റേ​ഞ്ചി​നെ വ​ള​രെ വേ​ഗ​ത്തി​ല്‍ ലോ​റേ​ഞ്ചു​മാ​യി ബ​ന്ധി​പ്പി​ക്കു​ന്ന​താ​ണ് ഈ ​റോ​ഡ്. ആ​ദ്യ റീ​ച്ച്​ നി​ർ​മാ​ണ​ത്തി​ന് 76.28 കോ​ടി രൂ​പ​യാ​ണ് അ​നു​വ​ദി​ച്ച​ത്.

പൈപ്പ് സ്ഥാപിക്കാൻ റോഡ്​ കുഴിച്ചു; ദുരിതം നാട്ടുകാർക്ക്

ക്കാ​ൻ കു​ഴി​ച്ച കു​ഴി നാ​ട്ടു​കാ​ർ​ക്ക് ദു​രി​ത​മാ​യി. മ​ണ​പ്പാ​ടി​യി​ൽ വീ​തി തീ​രെ കു​റ​വാ​യ റോ​ഡി​ൽ കു​ഴി​യെ​ടു​ത്ത​താ​ണ് ഗ​താ​ഗ​തം ത​ട​സ്സ​പ്പെ​ടാ​ൻ കാ​ര​ണം.

കു​ഴി​ക​ൾ മൂ​ടി​യെ​ങ്കി​ലും ടാ​റി​ങ് പൊ​ളി​ഞ്ഞു​പോ​കു​ന്ന​തി​നാ​ൽ പൊ​ടി​ശ​ല്യം രൂ​ക്ഷ​മാ​ണ്. ഇ​തി​നി​ടെ മ​ഴ​യെ​ത്തി​യ​തോ​ടെ ചെ​ളി ശ​ല്യ​വു​മു​ണ്ട്.

പൊ​ടി​യും ചെ​ളി​യും മൂ​ലം റോ​ഡ​രി​കി​ലെ വീ​ടു​ക​ളി​ലു​ള​ള​വ​ർ ഏ​റെ ദു​രി​ത​ത്തി​ലാ​യി. റോ​ഡ​രി​കി​ൽ പൈ​പ്പ് സ്ഥാ​പി​ച്ച്​ മ​ണ്ണി​ട്ടു​മൂ​ടി​യെ​ങ്കി​ലും മ​ഴ​യെ​ത്തി​യ​തോ​ടെ മ​ണ്ണി​ള​കി ഒ​ഴു​കി ശു​ദ്ധ​ജ​ല​വി​ത​ര​ണ പൈ​പ്പു​ക​ൾ തെ​ളി​ഞ്ഞു. ഇ​തി​നി​ടെ ബി​ൽ മാ​റി കി​ട്ടാ​ൻ കാ​ല​താ​മ​സ​മു​ള്ള​തി​നാ​ൽ ക​രാ​റു​കാ​ർ ജോ​ലി പ​കു​തി വ​ഴി​യി​ലാ​ക്കി മ​ട​ങ്ങി. റോ​ഡ് പൊ​ളി​ക്കു​ന്ന​തി​നൊ​പ്പം കു​ഴി മൂ​ടി​യി​രു​ന്നെ​ങ്കി​ലും ഇ​തോ​ടൊ​പ്പം റോ​ഡ് കോ​ൺ​ക്രീ​റ്റോ ടാ​റി​ങോ ന​ട​ത്തി​യാ​ൽ മാ​ത്ര​മേ പ്ര​ശ്ന​ത്തി​നു പ​രി​ഹാ​ര​മാ​കൂ. പൈ​പ്പ് സ്ഥാ​പി​ക്കാ​ൻ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ചാ​ണ് കു​ഴി​യെ​ടു​ത്ത​ത്.

ഇ​തു​മൂ​ലം റോ​ഡി​ൽ വീ​തി കൂ​ട്ടി കു​ഴി​യെ​ടു​ക്കേ​ണ്ടി വ​രു​ന്നു. വാ​ഹ​ന​ങ്ങ​ൾ പോ​കു​മ്പോ​ൾ ടാ​റി​ങി​ൽ നി​ന്ന്​ പു​റ​ത്തി​റ​ങ്ങി​യാ​ൽ ചെ​ളി​യി​ൽ താ​ഴും. ഇ​ത് യാ​ത്ര​ക്കാ​ർ​ക്കും റോ​ഡി​ന്‍റെ വ​ശ​ങ്ങ​ളി​ൽ താ​മ​സി​ക്കു​ന്ന​വ​ർ​ക്കും ബു​ദ്ധി​മു​ട്ടാ​യി​ട്ടു​ണ്ട്. മ​ഴ ശ​ക്ത​മാ​യ​തോ​ടെ ചെ​ളി​ശ​ല്യം മൂ​ലം കാ​ൽ​ന​ട​യാ​ത്ര പോ​ലും ദു​രി​ത​മാ​യി​രി​ക്കു​ക​യാ​ണ്.കു​ഴി​ക​ൾ മൂ​ടി കോ​ൺ​ക്രീ​റ്റ് ചെ​യ്തു അ​പ​ക​ടാ​വ​സ്ഥ ഒ​ഴി​വാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

പൊട്ടിത്തകർന്ന് കോടതി റോഡ്

മു​ട്ടം: നൂ​റു​ക​ണ​ക്കി​ന് വാ​ഹ​ന​ങ്ങ​ളും ആ​യി​ര​ക്ക​ണ​ക്കി​ന് ജ​ന​ങ്ങ​ളും ദി​നം​പ്ര​തി സ​ഞ്ച​രി​ക്കു​ന്ന റോ​ഡ് പൊ​ട്ടി​ത്ത​ക​ർ​ന്ന് കി​ട​ക്കു​ന്നു. തൊ​ടു​പു​ഴ - മൂ​ല​മ​റ്റം റൂ​ട്ടി​ൽ നി​ന്നും കോ​ട​തി​യി​ലേ​ക്കു​ള്ള റോ​ഡാ​ണ് ത​ക​ർ​ന്ന​ത്. ജി​ല്ല കോ​ട​തി, ജി​ല്ല ജ​യി​ൽ, ജി​ല്ല ഹോ​മി​യോ ആ​ശു​പ​ത്രി, വി​ജി​ല​ൻ​സ് ഓ​ഫി​സ്, വ്യ​വ​സാ​യ കേ​ന്ദ്രം, പോ​ളി​ടെ​ക്നി​ക് കോ​ള​ജ്, വ​ർ​ക്കി​ങ്ങ് വു​മ​ൻ​സ് ഹോ​സ്റ്റ​ൽ, ഐ.​എ​ച്ച്.​ആ​ർ.​ഡി കോ​ള​ജ്, ഐ.​എ​ച്ച്.​ആ​ർ.​ഡി സ്കൂ​ൾ തു​ട​ങ്ങി​യ സ്ഥാ​പ​ന​ങ്ങ​ളി​ലേ​ക്ക് എ​ല്ലാ​മു​ള്ള ഏ​ക വ​ഴി​യാ​ണ് ഇ​ത്.

ഇ​വി​ടേ​ക്ക് എ​ത്തു​ന്ന പാ​ല​ത്തി​നും വീ​തി കു​റ​വാ​ണ്. ഇ​തു മൂ​ലം മി​ക്ക​പ്പോ​ഴും ഗ​താ​ഗ​ത​ക്കു​രു​ക്കും രൂ​ക്ഷ​മാ​ണ്. പാ​ല​ത്തി​ന് വീ​തി വ​ർ​ധി​പ്പി​ക്കാ​ൻ ജി​ല്ല പ​ഞ്ചാ​യ​ത്ത് ഫ​ണ്ട് അ​നു​വ​ദി​ച്ചെ​ങ്കി​ലും ന​ട​പ​ടി​ക​ൾ പൂ​ർ​ത്തി​യാ​യി​ട്ടി​ല്ല. എ​ത്ര​യും വേ​ഗം ടാ​റി​ങ്ങ് ന​ട​ത്തി റോ​ഡ് ഗ​താ​ഗ​ത യോ​ഗ്യ​മാ​ക്ക​ണ​മെ​ന്ന് നാ​ട്ടു​കാ​രും അ​ഭി​ഭാ​ഷ​ക​രും ആ​വ​ശ്യ​പ്പെ​ട്ടു.