മൂ​ടു​പ​ട​മി​ട്ട സ്ത്രീ​ക​ൾ രാ​ഷ്ട്രീ​യം പ​റ​യു​മ്പോ​ൾ

ക​ല്യാ​ണം ക​ഴി​ഞ്ഞ് ബ​ന്ധു​ക്ക​ൾ മ​ട​ങ്ങി​യ​ശേ​ഷം ര​ണ്ടു മൂ​ന്നു ദി​വ​സം വ​ധൂഗൃ​ഹ​ത്തി​ൽ താ​മ​സി​ച്ച​ശേ​ഷ​മാ​ണ് ന​വ​വ​ര​നാ​യ അ​യാ​ൾ ഗ്രാ​മ​ത്തി​ലെ ത​ന്റെ വീ​ട്ടി​ലേ​ക്ക് മ​ട​ങ്ങു​ന്ന​ത്. ത​ന്റെ സ്റ്റേ​ഷ​ൻ എ​ത്തി​യ​പ്പോ​ൾ അ​ർ​ധ​രാ​ത്രി വ​ധു​വി​ന്റെ കൈപി​ടി​ച്ച് അ​യാ​ൾ ഇ​റ​ങ്ങു​ന്നു. വീ​ട്ടി​ലെ​ത്തി വ​ധു​വി​ന്റെ മൂ​ടു​പ​ടം ഉ​യ​ർ​ത്തി​യ​പ്പോ​ഴാ​ണ് അ​യാ​ളാ ഞെ​ട്ടി​ക്കു​ന്ന സ​ത്യം തി​രി​ച്ച​റി​യു​ന്ന​ത്. ത​ന്റെ ഭാ​ര്യ മാ​റി​പ്പോ​യി​രി​ക്കു​ന്നു. മ​ര്യാ​ദ​ക്ക് പ​ര​സ്പ​രം മി​ണ്ടി​പ്പ​റ​ഞ്ഞി​രു​ന്നി​ട്ട് കൂ​ടി​യി​ല്ല.

മ​റ്റാ​രു​ടെ​യോ പെ​ണ്ണി​നെ​യാ​ണ് കൈ​പി​ടി​ച്ചു കൂ​ട്ടി​ക്കൊ​ണ്ടുവ​ന്ന​ത്. ക​ഷ്ട​കാ​ല​ത്തി​ന് അ​തേ ക​മ്പാ​ർ​ട്ട്മെ​ന്റി​ൽ അ​ടു​ത്ത​ടു​ത്താ​യി ചു​വ​ന്ന സാ​രി​യി​ൽ മൂ​ടു​പ​ട​മി​ട്ട് വേ​റെ​യും ന​വ ദ​മ്പ​തി​ക​ൾ ഉ​ണ്ടാ​യി​രു​ന്നു. അ​ങ്ങ​നെ​യാ​ണ് അ​ബ​ദ്ധം പ​റ്റി​യ​ത്. ട്രെ​യി​ൻ യാ​ത്ര​ക്കിടെ ഭ​ർ​ത്താ​വി​ന്റെ വീ​ടു​ക​ളി​ലേ​ക്ക് തി​രി​ച്ചുപോ​കു​മ്പോ​ൾ പ​ര​സ്പ​രം മാ​റി​പ്പോ​കു​ന്ന ര​ണ്ട് യു​വ വ​ധു​ക്ക​ളു​ടെ ക​ഥ​യാ​ണ് ലാ​പ​ത ലേ​ഡീ​സ് (കാ​ണാ​താ​യ സ്ത്രീ​ക​ൾ). നി​ർ​മൽ പ്ര​ദേ​ശ് എ​ന്ന സാ​ങ്ക​ൽ​പി​ക ഗ്രാ​മ​മാ​ണ് ഹി​ന്ദി ഭാ​ഷ​യി​ൽ ഇ​റ​ങ്ങി​യ ഈ ​സി​നി​മ​യി​ൽ ചി​ത്രീ​ക​രി​ച്ചി​രി​ക്കു​ന്ന​ത്. പു​രു​ഷാ​ധി​പ​ത്യ​ത്തി​ന്റെ മൂ​ടു​പ​ടം ഉ​യ​ർ​ത്തി സം​സാ​രി​ച്ചു തു​ട​ങ്ങു​ന്നു​വെ​ന്ന​താ​ണ് സി​നി​മ​യി​​ലെ രാ​ഷ്ട്രീ​യം.

ഉ​ത്ത​രേ​ന്ത്യ​ൻ ഗ്രാ​മീ​ണ പ​ശ്ചാ​ത്ത​ല​ത്തി​ൽ കൃ​ഷി​യും സം​സ്കാ​ര​വും വി​ദ്യാ​ഭ്യാ​സ​വും സ്ത്രീ ​അ​വ​കാ​ശ​ങ്ങ​ളും ച​ർ​ച്ച ചെ​യ്യു​ന്ന മി​ക​ച്ച നി​ല​വാ​രം പു​ല​ർ​ത്തു​ന്ന ഒ​രു കൊ​ച്ചു ചി​ത്രം. മൂ​ടു​പ​ടം സി​നി​മ​യി​ലു​ട​നീ​ളം ഒ​രു പ്ര​തീ​ക​മാ​യി നി​ല​കൊ​ള്ളു​ന്നു​ണ്ട്. സ്വാ​ഭാ​വി​ക ന​ർ​മ​ത്തി​ലൂ​ടെ ലിം​ഗ സ​മ​ത്വ​വും സ്ത്രീ​ക​ളോ​ടു​ള്ള സ​മൂ​ഹ​ത്തി​ന്റെ​യും കു​ടും​ബ​ത്തി​ന്റെ​യും ഒ​രി​ക്ക​ലും മാ​റാ​ത്ത കാ​ഴ്ച​പ്പാ​ടു​ക​ളും ച​ർ​ച്ച ചെ​യ്യു​ന്നു. കി​ര​ൺ റാ​വു​വാ​ണ് ചി​ത്രം സം​വി​ധാ​നം ചെ​യ്ത​ത്. സൂ​പ്പ​ർ താ​ര​ങ്ങ​ളോ കോ​ടി​ക​ൾ മു​ട​ക്കി​യ സെ​റ്റോ ത്ര​സി​പ്പി​ക്കു​ന്ന സം​ഘ​ട്ട​ന​മോ ഒ​ന്നു​മി​ല്ല. വ​ള​രെ സാ​ധാ​ര​ണ​മാ​യ എ​വി​ടെ​യും സം​ഭ​വി​ക്കാ​വു​ന്ന ഒ​രു ക​ഥ​യെ മി​ക​ച്ച ആ​ഖ്യാ​ന​ത്തി​ലൂ​ടെ ആ​വി​ഷ്ക​രി​ച്ചു വി​ജ​യി​പ്പി​ക്കു​ന്നി​ട​ത്താ​ണ് സി​നി​മ വേ​റി​ട്ടു​നി​ൽ​ക്കു​ന്ന​ത്. സാ​ധാ​ര​ണ​ക്കാ​രി​ൽ സാ​ധാ​ര​ണ​ക്കാ​രാ​യ ഗ്രാ​മീ​ണ സ്ത്രീ​ക​ളും ഭ​ര​ണ​ഘ​ട​ന ന​ൽ​കു​ന്ന അ​വ​കാ​ശ​ങ്ങ​ളു​ടെ ഉ​ട​മ​ക​ളാ​ണെ​ന്നും അ​വ ത​ട​യാ​ൻ ആ​ർ​ക്കും സാ​ധ്യ​മ​ല്ലെ​ന്നും കാ​ണി​ച്ചുകൊ​ടു​ക്കു​ന്ന ജ​യ (പ്ര​തി​ഭ ര​ന്ത), ഫൂ​ൽ കു​മാ​രി (നി​താ​ൻ​ഷി ഗോ​യ​ൽ) എ​ന്നീ ര​ണ്ടുപേ​രു​ടെ ക​ഥ​യാ​ണി​ത്.

അ​വ​ർ ജൈ​വ​കൃ​ഷി​യ​ട​ക്കം വി​ഷ​യ​ങ്ങ​ളി​ൽ സം​സാ​രി​ക്കു​ക​യും ചോ​ദ്യ​ങ്ങ​ൾ ചോ​ദി​ച്ചു കൊ​ണ്ടേ​യി​രി​ക്കു​ക​യും ചെ​യ്യു​ന്നു. ല​ളി​ത​മാ​യ ക​ഥ​പ​റ​ച്ചി​ലി​ലൂ​ടെ കു​ടും​ബ​ത്തി​ന​ക​ത്തെ സ്വ​ര​ച്ചേർ​ച്ച​യും ചേ​ർ​ച്ച​യി​ല്ലാ​യ്മ​യും വ​ര​ച്ചു​കാ​ണി​ക്കു​ന്നു. ആ​ക്ഷേ​പ​ഹാ​സ്യ​ത്തി​ന്റെ ച​ടു​ല​മാ​യ ആ​ഖ്യാ​ന​ത്തി​ലൂ​ടെ​യാ​ണ് സി​നി​മ മു​ന്നോ​ട്ടു​പോ​കു​ന്ന​ത്. ഭ​ർ​ത്താ​വി​നെ ക​ണ്ടെ​ത്താ​ൻ ക​ഴി​യാ​ത്ത യു​വ​തി​ക​ളി​ലൊ​രാ​ൾ റെ​യി​ൽ​വേ​ സ്റ്റേ​ഷ​നി​ൽ പ​തു​ക്കെ ജീ​വി​തം ക​രു​പ്പി​ടി​പ്പി​ച്ചു തു​ട​ങ്ങു​മ്പോ​ൾ മ​റ്റേ​യാ​ൾ വി​ധി​യെ പ​ഴി​ച്ചു കാ​ലം ക​ഴി​ക്കാ​തെ വെ​ളി​ച്ച​മു​ള്ള പ്ര​തീ​ക്ഷ​യു​ടെ പു​ല​രി​യി​ലേ​ക്കാ​യി ത​ന്റെ ക​ണ്ണു​ക​ൾ തു​റ​ന്നു​പി​ടി​ച്ചി​രി​ക്കു​ന്ന​താ​യി കാ​ണാം.

മ​റ്റൊ​രു പേ​രി​ൽ ജീ​വി​ച്ചു​കൊ​ണ്ട് അ​വ​ൾ പ​ദ്ധ​തി​ക​ൾ ആ​സൂ​ത്ര​ണം ചെ​യ്തുതു​ട​ങ്ങി. ചി​രി​ക്കാ​നും അ​തി​ലേ​റെ ചി​ന്തി​ക്കാ​നും ഏ​റെ​യു​ണ്ട് ചി​ത്ര​ത്തി​ൽ. പൊ​ലീ​സ് ഓ​ഫി​സ​റാ​യി അ​ഭി​ന​യി​ച്ച ര​വി കി​ഷ​ൻ ത​ന്റെ റോ​ൾ ഭം​ഗി​യാ​ക്കി. റെ​യി​ൽ​വേ സ്റ്റേ​ഷ​നി​ലെ ചാ​യ വി​ൽ​ക്കു​ന്ന മ​ഞ്ജു മാ​യി എ​ന്ന സ്ത്രീ ​അ​പാ​ര​മാ​യ ലോ​കവി​വ​ര​വും പ്രാ​യോ​ഗി​ക ബു​ദ്ധി​യും കാ​ഴ്ച​പ്പാ​ടും പ്ര​ക​ടി​പ്പി​ക്കു​ന്ന ക​ഥാ​പാ​ത്ര​മാ​ണ്. സി​നി​മ​യി​ലെ ഏ​റെ നി​ർ​ണാ​യ​ക നി​മി​ഷ​ങ്ങ​ളി​ലൊ​ക്കെ​യും ജാ​ഗ്തേ ര​ഹോ (ഉ​ണ​ർ​ന്നി​രി​ക്കു​ക) എ​ന്ന് മ​ന്ത്രി​ക്കു​ന്ന ക​ഥാ​പാ​ത്രം സം​വേ​ദ​നം ചെ​യ്യു​ന്ന​ത് സ​മൂ​ഹ​ത്തോ​ട് ത​ന്നെ​യാ​ണ്.

ന​ർ​മത്തെ പൂ​ർ​ണ​മാ​യും ഉ​ൾ​ക്കൊ​ള്ളു​ന്ന റാം ​സ​മ്പ​ത്തി​ന്റെ പ​ശ്ചാ​ത്ത​ല സം​ഗീ​ത​വും ഗ്രാ​മ​ത്തി​ന്റെ ദൃ​ശ്യ ഭം​ഗി ഒ​പ്പി​യെ​ടു​ക്കു​ന്ന വി​കാ​ഷ് നോ​ല​ഖാ​യു​ടെ ഛായാ​ഗ്ര​ഹ​ണ​വും ആ​ക​ർ​ഷ​ണീ​യ​മാ​ണ്. ബി​പ്ല​വ് ഗോ​സ്വാ​മി​യു​ടെ ക​ഥ​യെ അ​ടി​സ്ഥാ​ന​മാ​ക്കി സ്നേഹ ദേശായിയും ദി​വ്യ​നി​ധി​യും ചേ​ർ​ന്നാ​ണ് തി​ര​ക്ക​ഥ ര​ചി​ച്ച​ത്. ആ​മി​ർ ഖാ​ൻ, ജ്യോ​തി ദേ​ശ്പാ​ണ്ഡെ എ​ന്നി​വ​ർ ചേ​ർ​ന്നാ​ണ് ലാ​പ​ത ലേ​ഡീ​സ് നി​ർ​മിച്ചി​രി​ക്കു​ന്ന​ത്. സ്പ​ർ​ഷ് ശ്രീ​വാ​സ്ത​വ്, ഛായ ​ക​ദം, ര​വി കി​ഷ​ൻ എ​ന്നി​വ​രാ​ണ് മ​റ്റ് അ​ഭി​നേ​താ​ക്ക​ൾ. നെ​റ്റ്ഫ്ലി​ക്സി​ൽ ചി​ത്രം ​കാ​ണാം.