തെ​ര​ഞ്ഞെ​ടു​പ്പും ഓ​ഹ​രി വി​പ​ണി​യും

ന​രേ​ന്ദ്ര മോ​ദി സ​ർ​ക്കാ​ർ ന​ല്ല ഭൂ​രി​പ​ക്ഷ​ത്തോ​ടെ അ​ധി​കാ​രം നി​ല​നി​ർ​ത്തും എ​ന്ന മു​ൻ​വി​ധി​യി​ലാ​യി​രു​ന്നു ഒ​രു വ​ർ​ഷ​ത്തി​ല​ധി​ക​മാ​യി ഇ​ന്ത്യ​ൻ ഓ​ഹ​രി വി​പ​ണി. മാ​സ​ങ്ങ​ളാ​യി നാം ​കാ​ണു​ന്ന കു​തി​പ്പി​ന് ഈ ​മു​ൻ​വി​ധി ഊ​ർ​ജം പ​ക​ർ​ന്നി​ട്ടു​ണ്ട്.

ഇ​ത് ബി.​ജെ.​പി​യു​ടെ ആ​ശ​യ​ങ്ങ​ളോ​ട് നി​​ക്ഷേ​പ​ക​ർ​ക്കു​ള്ള മ​തി​പ്പ് കൊ​ണ്ട​ല്ല. ലോ​ക​ത്തെ​വി​ടെ​യാ​യാ​ലും നി​ല​വി​ലെ സ​ർ​ക്കാ​ർ സ്ഥി​ര​ത​യോ​ടെ ഭ​ര​ണം തു​ട​രു​ന്ന​ത് ഓ​ഹ​രി വി​പ​ണി​ക്ക് താ​ൽ​പ​ര്യ​മു​ള്ള കാ​ര്യ​മാ​ണ്. അ​നി​ശ്ചി​ത​ത്വ​ങ്ങ​ളോ​ട് നി​ക്ഷേ​പ​ക​ർ​ക്ക് അ​നി​ഷ്ട​മു​ണ്ട്. മൂ​ന്നി​ൽ ര​ണ്ട് ഭൂ​രി​പ​ക്ഷ​ത്തോ​ടെ എ​ൻ.​ഡി.​എ സ​ർ​ക്കാ​ർ അ​ധി​കാ​രം നി​ല​നി​ർ​ത്തും എ​ന്ന പ്ര​വ​ച​നം ഈ ​അ​ർ​ഥ​ത്തി​ലാ​ണ് വി​പ​ണി​ക്ക് ഊ​ർ​ജം പ​ക​ർ​ന്ന​ത്.

എ​ൻ.​ഡി.​എ​യു​ടെ എ​തി​ർ​പ​ക്ഷ​ത്തു​ള്ള ഇ​ൻ​ഡ്യ സ​ഖ്യം 37 പാ​ർ​ട്ടി​ക​ൾ ഉ​ൾ​പ്പെ​ട്ട മു​ന്ന​ണി​യാ​ണ്. സ​ഖ്യ സ​ർ​ക്കാ​റി​ന്റെ സ്ഥി​ര​ത​യെ​ക്കു​റി​ച്ച് സം​ശ​യം സ്വാ​ഭാ​വി​കം. കൂ​ടു​ത​ൽ പാ​ർ​ട്ടി​ക​ൾ ഉ​ൾ​പ്പെ​ട്ട, ഒ​രു ക​ക്ഷി​ക്കും ത​നി​ച്ച് ഭൂ​രി​പ​ക്ഷ​മി​ല്ലാ​ത്ത സ​ഖ്യ​മാ​ണെ​ങ്കി​ൽ വി​ശേ​ഷി​ച്ചും. അ​തു​കൊ​ണ്ടു​ത​ന്നെ വ​ൻ​കി​ട നി​ക്ഷേ​പ​ക​ർ​ക്ക് താ​ൽ​പ​ര്യം എ​ൻ.​ഡി.​എ​യു​ടെ തു​ട​ർ​ഭ​ര​ണ​മാ​യി​രു​ന്നു. ബി.​ജെ.​പി​യു​ടേ​ത് കോ​ർ​പ​റേ​റ്റ് സൗ​ഹൃ​ദ സ​ർ​ക്കാ​ർ ആ​യി​രു​ന്നു​വെ​ന്ന​തും യാ​ഥാ​ർ​ഥ്യ​മാ​ണ്.

എ​ന്നാ​ൽ, ബി.​ജെ.​പി​ക്ക് പ്ര​തീ​ക്ഷി​ച്ച മു​ന്നേ​റ്റം ഉ​ണ്ടാ​കി​ല്ലെ​ന്നും ഭ​ര​ണ​ത്തു​ട​ർ​ച്ച ത​ന്നെ ഉ​റ​പ്പി​ല്ലെ​ന്നു​മു​ള്ള സൂ​ച​ന​ക​ളാ​ണ് സ​മീ​പ ദി​വ​സ​ങ്ങ​ളി​ൽ പു​റ​ത്തു​വ​രു​ന്ന​ത്. ഇ​ന്ത്യ​ൻ ഓ​ഹ​രി വി​പ​ണി​യി​ൽ ക​ഴി​ഞ്ഞ​യാ​ഴ്ച​യു​ണ്ടാ​യ വ​ൻ ഇ​ടി​വി​ന് കാ​ര​ണ​മാ​യി വി​ല​യി​രു​ത്ത​പ്പെ​ടു​ന്ന​ത് ഇ​താ​ണ്.

ആ​ത്മ​വി​ശ്വാ​സം ന​ഷ്ട​മാ​യ പോ​ലെ​യു​ള്ള മോ​ദി​യു​ടെ ശ​രീ​ര​ഭാ​ഷ​യും വി​റ​ളി പി​ടി​ച്ച വ​ർ​ഗീ​യ പ്ര​ചാ​ര​ണ​വും, ദേ​ശീ​യ മാ​ധ്യ​മ​ങ്ങ​ളു​ടെ നി​ല​പാ​ട് മാ​റ്റം, ആ​ദ്യ മൂ​ന്ന് ഘ​ട്ട​ങ്ങ​ളി​ലെ വോ​ട്ടെ​ടു​പ്പി​ന് ശേ​ഷം ഫീ​ൽ​ഡി​ൽ​നി​ന്ന് ല​ഭി​ക്കു​ന്ന സൂ​ച​ന​ക​ൾ എ​ന്നി​വ​യെ​ല്ലാം വി​പ​ണി​യി​ലും പ്ര​തി​ഫ​ലി​ച്ചു.

അ​ഞ്ചു​ദി​വ​സ​മാ​ണ് തു​ട​ർ​ച്ച​യാ​യി ഇ​ടി​വ് രേ​ഖ​പ്പെ​ടു​ത്തി​യ​ത്. വെ​ള്ളി​യാ​ഴ്ച ചെ​റി​യ തി​രി​ച്ചു​വ​ര​വ് ന​ട​ത്തി​യെ​ങ്കി​ലും വ​രും ദി​വ​സ​ങ്ങ​ളി​ലും ക​രു​തി​യി​രി​ക്ക​ണം. ബി.​ജെ.​പി സ​ർ​ക്കാ​റി​ന്റെ നി​റ​ഞ്ഞ പി​ന്തു​ണ​യി​ൽ വ​ള​ർ​ന്ന അ​ദാ​നി​യു​ടെ​യും അം​ബാ​നി​യു​ടെ​യും ഓ​ഹ​രി​ക​ൾ കൈ​വ​ശം ഇ​രി​ക്കു​ന്ന​വ​ർ ജാ​ഗ്ര​ത പു​ല​ർ​ത്ത​ണം.

ഭ​ര​ണ​മാ​റ്റ​ത്തി​ന്റെ സൂ​ച​ന​ക​ൾ അ​വ​രെ വ​ള​രെ വേ​ഗ​ത്തി​ൽ ബാ​ധി​ക്കും. വി​ദേ​ശ നി​ക്ഷേ​പ സ്ഥാ​പ​ന​ങ്ങ​ളു​ടെ കൂ​ട്ട വി​ൽ​പ​ന ന​ട​ത്തു​ന്ന​ത് തി​രി​ച്ച​ടി​യാ​ണ്. മേ​യി​ൽ ഇ​തു​വ​രെ 22,000 കോ​ടി​യു​ടെ വി​ൽ​പ​ന​യാ​ണ് അ​വ​ർ ന​ട​ത്തി​യ​ത്. ഇ​ന്ത്യ​യി​ൽ രാ​ഷ്ട്രീ​യ അ​സ്ഥി​ര​ത അ​വ​ർ പ്ര​തീ​ക്ഷി​ക്കു​ന്നു​ണ്ടാ​ക​ണം.

ഒ​രു മു​ന്ന​ണി​ക്കും ഭൂ​രി​പ​ക്ഷ​മി​ല്ലാ​ത്ത തൂ​ക്കു​സ​ഭ​യാ​ണ് നി​ല​വി​ൽ വ​രു​ന്ന​തെ​ങ്കി​ൽ ത​ക​ർ​ച്ച​യു​ടെ ആ​ഴം കൂ​ടും. തൂ​ക്കു​സ​ഭ​ക്കു​ള്ള സാ​ധ്യ​ത രാ​ഷ്ട്രീ​യ നി​രീ​ക്ഷ​ക​ർ ത​ള്ളി​ക്ക​ള​യു​ന്നി​ല്ല. വ്യ​ക്ത​മാ​യ ഭൂ​രി​പ​ക്ഷ​ത്തോ​ടെ പ്ര​തി​പ​ക്ഷം അ​ധി​കാ​ര​ത്തി​ൽ വ​ന്നാ​ലും ചെ​റി​യൊ​രു ഇ​ടി​വി​ന് ശേ​ഷം പു​തി​യ സ​ർ​ക്കാ​റി​ൽ വി​ശ്വാ​സ​മ​ർ​പ്പി​ച്ച് വൈ​കാ​തെ വി​പ​ണി തി​രി​ച്ചു​ക​യ​റും.

പു​തി​യ സ​ർ​ക്കാ​റി​ന്റെ ഊ​ന്ന​ലു​ക​ളും മു​ൻ​ഗ​ണ​ന​ക​ളും പ്ര​ധാ​ന​മാ​ണ്. ജൂ​ലൈ​യി​ൽ അ​വ​ത​രി​പ്പി​ക്കു​ന്ന ആ​ദ്യ ബ​ജ​റ്റ് ഇ​ക്കാ​ര്യ​ത്തി​ൽ ദി​ശ ന​ൽ​കു​ന്ന​താ​കും. വി​പ​ണി സൂ​ച​ന​ക​ളി​ൽ​നി​ന്ന് കാ​ര്യ​ങ്ങ​ൾ മു​ൻ​കൂ​ട്ടി കാ​ണാ​ൻ ശ്ര​മി​ക്കും. അ​തു​കൊ​ണ്ടു​ത​ന്നെ വോ​ട്ടെ​ണ്ണ​ലി​ന്റെ ത​ലേ ദി​വ​സം നോ​ക്കാം എ​ന്ന അ​ല​സ മ​നോ​ഭാ​വ​ത്തി​ൽ ഇ​രു​ന്നാ​ൽ ചി​ല​പ്പോ​ൾ വ​ലി​യ ന​ഷ്ട​ത്തി​ലേ​ക്ക് ന​യി​ക്കും.

എ​ക്സി​റ്റ് പോ​ൾ ഫ​ലം പു​റ​ത്തു​വ​രു​ന്ന ദി​വ​സം നി​ർ​ണാ​യ​ക​മാ​ണ്. അ​തി​ന് മു​മ്പു​ള്ള സൂ​ച​ന​ക​ളും വി​പ​ണി​യു​ടെ പോ​ക്കും ശ്ര​ദ്ധി​ക്ക​ണം. പേ​ടി​ച്ചു മാ​റി​നി​ൽ​ക്ക​ണം എ​ന്ന​ല്ല. ജാ​ഗ്ര​ത​യു​ള്ള സ്മാ​ർ​ട്ട് നി​ക്ഷേ​പ​ക​രാ​യ അ​വ​സ​ര​ങ്ങ​ൾ ബു​ദ്ധി​പൂ​ർ​വം ഉ​പ​യോ​ഗ​പ്പെ​ടു​ത്തു​ക. ചാ​ഞ്ചാ​ട്ട​ത്തി​ന് സാ​ധ്യ​ത കൂ​ടു​ത​ലു​ള്ള ഇ​നി​യു​ള്ള ദി​വ​സ​ങ്ങ​ളി​ൽ ഫ്യൂ​ച്ച​ർ ആ​ൻ​ഡ് ​ഓ​പ്ഷ​ൻ ട്രേ​ഡി​ങ്ങും ലി​വ​റേ​ജ് എ​ടു​ത്തു​ള്ള ഇ​ൻ​ട്രാ​ഡേ വ്യാ​പാ​ര​വും ഒ​ഴി​വാ​ക്കു​ന്ന​താ​കും ബു​ദ്ധി.