കാ​ത്തി​രി​പ്പ് കേ​ന്ദ്രം പൊ​ളി​ച്ചു​മാ​റ്റി; മു​ക്ക​ട​വി​ൽ യാ​ത്ര​ക്കാ​ർ ദു​രി​ത​ത്തി​ൽ

പു​ന​ലൂ​ർ: മു​ക്ക​ട​വി​ലെ കാ​ത്തി​രി​പ്പ് കേ​ന്ദ്രം പു​നഃ​സ്ഥാ​പി​ക്കാ​ത്ത​തി​നാ​ൽ യാ​ത്ര​ക്കാ​ർ ബു​ദ്ധി​മു​ട്ടു​ന്നു. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ​യ​ട​ക്കം നി​ര​വ​ധി യാ​ത്ര​ക്കാ​ർ ബ​സു​ക​ളി​ൽ വ​ന്നു​പോ​കു​ന്ന പു​ന​ലൂ​ർ- പ​ത്ത​നാ​പു​രം പാ​ത​യി​ലെ പ്ര​ധാ​ന ബ​സ്​​സ്റ്റോ​പ്പാ​ണ് മു​ക്ക​ട​വി​ലേ​ത്. അ​യ്യ​ൻ​കാ​ളി ആ​ർ​ട്സ് കോ​ള​ജ്, ഗ​വ.​എ​ൽ.​പി.​എ​സ്, കി​ൻ​ഫ്ര പാ​ർ​ക്ക്, റ​ബ​ർ പാ​ർ​ക്ക്, കു​രി​യോ​ട്ടു​മ​ല ഹൈ​ടെ​ക് ഫാം ​തു​ട​ങ്ങി​യ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും അ​ല്ലാ​ത്ത​തു​മാ​യ യാ​ത്ര​ക്കാ​ർ ബ​സു​ക​ളി​ൽ വ​ന്നു​പോ​കാ​ൻ ആ​ശ്ര​യി​ക്കു​ന്ന​ത് മു​ക്ക​ട​വി​ലാ​ണ്.

കൂ​ടാ​തെ, കു​രി​യോ​ട്ട​മ​ല​യി​ലെ ആ​ദി​വാ​സി പു​ന​ര​ധി​വാ​സ കോ​ള​നി​യി​ലെ​യും എ​ലി​ക്കാ​ട്ടൂ​ർ, ക​മു​കും​ചേ​രി തു​ട​ങ്ങി​യ ഉ​ൾ​പ്ര​ദേ​ശ​ങ്ങ​ളി​ലെ ആ​ൾ​ക്കാ​രു​ടെ​യും പ്ര​ധാ​ന ബ​സ്​​സ്റ്റോ​പ് മു​ക്ക​ട​വാ​ണ്. മു​മ്പ് ഇ​വി​ടു​ണ്ടാ​യി​രു​ന്ന കാ​ത്തി​രി​പ്പ് കേ​ന്ദ്രം പു​ന​ലൂ​ർ- പൊ​ൻ​കു​ന്നം സം​സ്ഥാ​ന പാ​ത​യു​ടെ ന​വീ​ക​ര​ണ​ത്തി​ന്‍റെ ഭാ​ഗ​മാ​യി ര​ണ്ടു​വ​ർ​ഷം മു​മ്പ് പൊ​ളി​ച്ചു​മാ​റ്റി​യി​രു​ന്നു.

പാ​ത​യു​ടെ പ​ണി പൂ​ർ​ത്തി​യാ​യി കാ​ത്തി​രി​പ്പ് കേ​ന്ദ്ര​ങ്ങ​ൾ വേ​ണ്ടി​ട​ത്തെ​ല്ലാം നി​ർ​മി​ക്കു​ക​യും ചെ​യ്തു. എ​ന്നാ​ൽ, വ​ള​രെ അ​ത്യാ​വ​ശ്യ​മാ​യി വേ​ണ്ട​താ​യ മു​ക്ക​ട​വി​നെ പ​രി​ഗ​ണി​ക്കാ​ൻ ഇ​നി​യും അ​ധി​കൃ​ത​ർ ത​യാ​റാ​യി​ല്ല.

ഇ​വി​ടെ​യെ​ത്തു​ന്ന യാ​ത്ര​ക്കാ​ർ മ​ഴ​യാ​യാ​ലും വെ​യി​ലാ​യാ​ലും പാ​ത​യോ​ര​ത്തു​നി​ന്ന് അ​നു​ഭ​വി​ക്കാ​നേ മാ​ർ​ഗ​മു​ള്ളൂ. ഇ​തി​ൽ​നി​ന്ന്​ ര​ക്ഷ​നേ​ടാ​ൻ തൊ​ട്ട​ടു​ത്ത് സൗ​ക​ര്യ​മാ​യ ക​ട​ത്തി​ണ്ണ​ക​ൾ പോ​ലു​മി​ല്ല. പാ​ത​യു​ടെ നി​ർ​മാ​ണ​ത്തി​നാ​യി മു​മ്പു​ണ്ടാ​യി​രു​ന്ന ഒ​രു ക​ട​മു​റി​യു​ടെ മു​ൻ​വ​ശം ഇ​ടി​ച്ചു​ക​ള​ഞ്ഞ​തി​നാ​ൽ എ​ങ്ങും ക​യ​റി​നി​ൽ​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് യാ​ത്ര​ക്കാ​ർ.

നി​ല​വി​ലു​ള്ള കാ​ത്തി​രി​പ്പ് കേ​ന്ദ്രം ഇ​ല്ലാ​താ​യ​തോ​ടെ ക​ഴി​ഞ്ഞ ര​ണ്ടു​വ​ർ​ഷ​മാ​യു​ള്ള ദു​രി​തം ഇ​നി​യും തു​ട​രു​ക​യാ​ണ്. അ​ടു​ത്തു​ത​ന്നെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ തു​റ​ക്കു​ന്ന​തും മ​ഴ​ക്കാ​ലം​കൂ​ടി ആ​യ​തോ​ടെ നൂ​റു​ക്ക​ണ​ക്കി​ന് വി​ദ്യാ​ർ​ഥി​ക​ൾ ഉ​ൾ​പ്പെ​ടെ ബു​ദ്ധി​മു​ട്ട് നേ​രി​ടു​ന്നു.