പൂതക്കുളത്തെ കൊലപാതകം; കടബാധ്യത മൂലമെന്ന് നിഗമനം

പ​ര​വൂ​ർ: പു​ത​ക്കു​ള​ത്ത് ഗൃ​ഹ​നാ​ഥ​ൻ ഭാ​ര്യ​യേ​യും മ​ക​ളെ​യും കൊ​ല​പ്പെ​ടു​ത്തു​ക​യും മ​ക​നെ കൊ​ല​പ്പെ​ടു​ത്താ​ൻ ശ്ര​മി​ക്കു​ക​യും ചെ​യ്ത സം​ഭ​വ​ത്തി​ന് പി​ന്നി​ൽ ക​ട​ബാ​ധ്യ​ത​യാ​ണെ​ന്ന പ്രാ​ഥ​മി​ക നി​ഗ​മ​ന​ത്തി​ൽ പൊ​ലീ​സ്. അ​തി​ന​നു​സ​രി​ച്ചു​ള്ള മൊ​ഴി​യാ​ണ് ശ്രീ​ജു പൊ​ലീ​സി​ന് ന​ൽ​കി​യി​ട്ടു​ള്ള​ത്. നേ​ര​ത്തെ വി​ദേ​ശ​ത്താ​യി​രു​ന്ന ശ്രീ​ജി​ത്ത് എ​ന്ന് വി​ളി​ക്കു​ന്ന ശ്രീ​ജു നാ​ട്ടി​ൽ വ​ന്ന് നി​ർ​മാ​ണ​മേ​ഖ​ല​യി​ൽ ജോ​ലി ചെ​യ്തു വ​രി​ക​യാ​യി​രു​ന്നു.

പ​ര​വൂ​ർ കൂ​ന​യി​ൽ സ്വ​ദേ​ശി​യാ​ണ്. വി​ദേ​ശ​ത്ത് നി​ന്നും വ​ന്ന​തി​ന് ശേ​ഷം ഭാ​ര്യ പ്രീ​ത​യു​ടെ വീ​ട്ടി​ൽ ത​ന്നെ​യാ​ണ് താ​മ​സം. പ​ര​വൂ​ർ കൂ​ന​യി​ലും വീ​ടു​ണ്ടെ​ന്ന് ബ​ന്ധു​ക്ക​ൾ പ​റ​ഞ്ഞു. പ്രീ​ത വീ​ടി​ന് തൊ​ട്ട് അ​ടു​ത്ത് തു​ണി​ക​ട​യും ഫാ​ൻ​സി സെ​ന്റ​റും​ന​ട​ത്തി വ​രി​ക​യാ​യി​രു​ന്നു.

ഒ​പ്പം വ​ർ​ഷ​ങ്ങ​ളാ​യി പൂ​ത​ക്കു​ളം സ​ർ​വി​സ് സ​ഹ​ക​ര​ണ ബാ​ങ്കി​ലെ ക​ല​ക്ഷ​ൻ ഏ​ജ​ന്റു​മാ​ണ്. ഗു​രു​ത​രാ​വ​സ്ഥ​യി​ൽ ക​ഴി​യു​ന്ന മ​ക​ൻ ശ്രീ​രാ​ഗ് പൂ​ത​ക്കു​ളം ഹ​യ​ർ​സെ​ക്ക​ൻ​ഡ​റി സ്കൂ​ളി​ലെ പ്ല​സ് ടു ​വി​ദ്യാ​ർ​ഥി​യാ​ണ്. പ്ല​സ് ടു ​പ​രീ​ക്ഷ ക​ഴി​ഞ്ഞു പ​രീ​ക്ഷ​ഫ​ലം കാ​ത്തി​രി​ക്കു​ന്ന ശ്രീ​രാ​ഗി​ന് ചൊ​വ്വാ​ഴ്ച 18 വ​യ​സ്സ് തി​ക​യു​ന്ന ദി​വ​സ​മാ​ണെ​ന്ന് ബ​ന്ധു​ക്ക​ളും സു​ഹൃ​ത്തു​ക്ക​ളും പ​റ​ഞ്ഞു.

മ​രി​ച്ച ശ്രീ​ന​ന്ദ പൂ​ത​ക്കു​ളം ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ഏ​ഴാം ക്ലാ​സ് വി​ദ്യാ​ർ​ഥി​നി​യാ​ണ്.

ഒ​ന്നും അ​റി​യാ​തെ പ്രീ​ത​യു​ടെ പി​താ​വ്

പ​ര​വൂ​ർ: വീ​ട്ടി​ൽ ന​ട​ന്ന സം​ഭ​വ​ങ്ങ​ൾ അ​റി​യാ​തെ പ്രീ​ത​യു​ടെ പി​താ​വ് മോ​ഹ​ന​ൻ​പി​ള്ള. രാ​വി​ലെ ഏ​ഴ് മ​ണി​ക്ക് പ​തി​വ് പോ​ലെ പ്രാ​ഥ​മി​ക ക​ർ​മ​ങ്ങ​ൾ നി​ർ​വ​ഹി​ച്ചു അ​ടു​ത്തു​ള്ള ചാ​യ​ക​ട​യി​ൽ​നി​ന്ന് ചാ​യ കു​ടി​ച്ച​ശേ​ഷം ജോ​ലി​ക്കാ​യി പോ​യി​രു​ന്നു. പി​ന്നീ​ട്​ മ​ര​ണ​വാ​ർ​ത്ത​യ​റി​ഞ്ഞാ​ണ് വീ​ട്ടി​ലേ​ക്ക് ഓ​ടി​യെ​ത്തി​യ​ത്.

പ്രീ​ത​യു​ടെ പി​താ​വ് മോ​ഹ​ന​ൻ​പി​ള്ള വീ​ടി​നോ​ട്‌ ചേ​ർ​ന്ന മു​റി​യി​ലാ​ണ് കി​ട​ക്കു​ന്ന​ത്. പു​റ​ത്തേ​ക്ക് വാ​തി​ലു​ള്ള മു​റി​യാ​യ​തി​നാ​ൽ വീ​ട്ടി​ലു​ള്ള​വ​ർ ഉ​ണ​രും മു​മ്പ് ജം​ഗ്ഷ​നി​ലെ​ത്തി ജോ​ലി​ക്കാ​യി പോ​കു​മാ​യി​രു​ന്നു. മോ​ഹ​ന​ൻ​പി​ള്ള​യു​ടെ ഭാ​ര്യ​യും ഒ​രു മ​ക​നും നേ​ര​ത്തെ മ​രി​ച്ചി​രു​ന്നു. ഇ​തു​മൂ​ലം ഒ​റ്റ​ക്കാ​ണ് താ​മ​സം. മ​ര​ണ​വാ​ർ​ത്ത അ​റി​ഞ്ഞ​തോ​ടെ ഇ​ദ്ദേ​ഹ​ത്തി​ന് ബോ​ധ​ക്ഷ​യ​മു​ണ്ടാ​യി. ശേ​ഷം സ്വ​യം​മ​റ​ന്നു നി​ല​വി​ളി​ക്കു​ന്ന മോ​ഹ​ന​ൻ​പി​ള്ള നൊ​മ്പ​ര​കാ​ഴ്ച​യാ​യി.

പ്രീ​ത​യു​ടെ മ​ര​ണം നാ​ടി​ന്‍റെ നൊ​മ്പ​ര​മാ​യി

പ​ര​വൂ​ർ: കൊ​ല​പാ​ത​ക വാ​ർ​ത്ത കേ​ട്ടാ​ണ് ചൊ​വ്വാ​ഴ്ച പു​ത​ക്കു​ളം ഗ്രാ​മ​വാ​സി​ക​ൾ ഉ​ണ​ർ​ന്ന​ത്. സം​ഭ​വം കാ​ട്ടു​തീ പോ​ലെ പ​ട​ർ​ന്ന​തോ​ടെ സ്ഥ​ല​ത്തേ​ക്ക് ജ​നം ഒ​ഴു​കി. പൂ​ത​ക്കു​ളം സ​ർ​വീ​സ് സ​ഹ​ക​ര​ണ ബാ​ങ്കി​ലെ ക​ല​ക്ഷ​ൻ ഏ​ജ​ന്റാ​യ പ്രീ​ത​ക്ക് വ​ലി​യൊ​രു സു​ഹൃ​ത്ത് വ​ല​യം ത​ന്നെ പൂ​ത​ക്കു​ള​ത്തു​ണ്ട്.

വ​ർ​ഷ​ങ്ങ​ളാ​യി നൂ​റു​ക​ണ​ക്കി​ന് വീ​ടു​ക​ളി​ൽ മു​ട​ങ്ങാ​തെ​യെ​ത്തി​യി​രു​ന്ന പ്രീ​ത​യു​ടെ വി​യോ​ഗം പ​ല​ർ​ക്കും താ​ങ്ങാ​ൻ പ​റ്റാ​ത്ത​താ​ണെ​ന്ന് നാ​ട്ടു​കാ​രും ബ​ന്ധു​ക്ക​ളും പ​റ​ഞ്ഞു. അ​ടു​ത്തി​ടെ​യാ​ണ് വീ​ടി​ന്റെ തൊ​ട്ട​ടു​ത്തു​ത​ന്നെ ത​യ്യ​ൽ​ക​ട​യും തു​ണി​ക​ട​യു​മു​ള്ള ചെ​റി​യ ക​ട​തു​ട​ങ്ങി​യ​ത്. ക​ട​ബാ​ധ്യ​ത​യു​ള്ള​താ​യി അ​ടു​ത്ത കൂ​ട്ടു​കാ​രി​ക​ൾ​ക്കും ബ​ന്ധു​ക്ക​ൾ​ക്കും അ​റി​യി​ല്ല എ​ന്ന് പ​റ​യു​ന്നു.

കൃ​ത്യം ചെ​യ്ത​ത് താ​നാ​ണെ​ന്ന് ശ്രീ​ജു​വി​ന്‍റെ കു​റ്റ​സ​മ്മ​തം

പാ​രി​പ്പ​ള്ളി: കൃ​ത്യം ചെ​യ്ത​ത് താ​നെ​ന്ന് പാ​രി​പ്പ​ള്ളി മെ​ഡി​ക്ക​ൽ കോ​ള​ജി​ൽ​വെ​ച്ച് സ്പെ​ഷ​ൽ ബ്രാ​ഞ്ച് പൊ​ലീ​സ് ഉ​ദ്യോ​ഗ​സ്ഥ​നോ​ട്‌ ശ്രീ​ജു കു​റ്റ​സ​മ്മ​തം ന​ട​ത്തി. താ​ൻ വി​ഷം ക​ഴി​ച്ച​താ​യും സ്വ​യം ഞെ​ര​മ്പ് മു​റി​ച്ച​താ​ണെ​ന്നും പൊ​ലീ​സി​നോ​ട്‌ പ​റ​ഞ്ഞു. ശ്രീ​ജു പൊ​ലീ​സ് നി​രീ​ക്ഷ​ണ​ത്തി​ലാ​ണ്. അ​പ​ക​ട​നി​ല ത​ര​ണം ചെ​യ്ത ശ്രീ​ജു​വി​നെ കൂ​ടു​ത​ൽ ചോ​ദ്യം ചെ​യ്‌​താ​ൽ മാ​ത്ര​മേ കൂ​ടു​ത​ൽ വി​വ​ര​ങ്ങ​ൾ അ​റി​യാ​ൻ ക​ഴി​യു​ക​യു​ള്ളൂ.

സഹോദരിയെ തേടിയെത്തിയ പ്രമോദ്​ കണ്ടത്​ രക്​തത്തിൽ കുളിച്ച മൃതദേഹം

പ​ര​വൂ​ർ: രാ​വി​​ലെ ഏ​ഴ​ര ക​ഴി​ഞ്ഞി​ട്ടും ആ​ശു​പ​ത്രി​യി​ൽ പോ​കേ​ണ്ട സ​ഹോ​ദ​രി​യെ കാ​ണാ​ത്ത​തി​നെ തു​ട​ർ​ന്നാ​ണ് തൊ​ട്ട​ടു​ത്ത വീ​ട്ടി​ൽ താ​മ​സി​ക്കു​ന്ന പ്ര​മോ​ദ് വി​ളി​ക്കാ​നെ​ത്തി​യ​ത്. വാ​തി​ലി​ൽ ത​ട്ടി​വി​ളി​ച്ചി​ട്ടും പ്ര​തി​ക​ര​ണ​മി​ല്ലാ​ത്ത​തി​നെ തു​ട​ർ​ന്ന് വീ​ടി​ന്റെ ചു​റ്റും നോ​ക്കി. തു​ട​ർ​ന്ന് സ​മീ​പ​ത്തെ മ​റ്റ് വീ​ട്ടു​കാ​രു​മെ​ത്തി വാ​തി​ൽ ച​വി​ട്ടി പൊ​ളി​ക്കു​ക​യാ​യി​രു​ന്നു.

ര​ക്തം നി​റ​ഞ്ഞു കി​ട​ക്കു​ന്ന മു​റി​ക​ളും ബ​ഡ് റൂ​മി​ൽ സ​ഹോ​ദ​രി പ്രീ​ത​യെ​യും മ​ക​ളെ​യും മ​രി​ച്ച നി​ല​യി​ലു​മാ​ണ് ക​ണ്ട​ത്. ശ്രീ​ജു​വി​നെ അ​ടു​ക്ക​ള​യി​ൽ വി​ഷം ഉ​ള്ളി​ൽ​ച്ചെ​ന്ന് കൈ​യി​ൽ​മു​റി​വ് പ​റ്റി കി​ട​ക്കു​ന്ന നി​ലി​യി​ൽ ക​ണ്ടെ​ത്തു​ക​യാ​യി​രു​ന്നു. തു​ട​ർ​ന്ന് നാ​ട്ടു​കാ​ർ ആം​ബു​ല​ൻ​സു​ക​ളി​ലും ഓ​ട്ടോ​യി​ലു​മാ​യി ആ​ശു​പ​ത്രി​ക​ളി​ൽ എ​ത്തി​ച്ചു.

പ്രീ​ത​യു​ടെ​യും മ​ക​ളു​ടെ​യും ക​ഴു​ത്തി​ൽ ആ​ഴ​ത്തി​ൽ വ​ലി​യ മു​റി​വു​ണ്ടാ​യി​രു​ന്നു. ര​ണ്ട് മു​റി​ക​ളും ഹാ​ളും ഇ​ട​നാ​ഴി​യു​മു​ള്ള വീ​ട്ടി​ൽ ക​സേ​ര​ക​ളും മ​റ്റും വാ​രി​വ​ലി​ച്ചി​ട്ട നി​ല​യി​ലാ​യി​രു​ന്നു. ഹാ​ളി​ലും അ​ടു​ക്ക​ള​യി​ലും മു​ഴു​വ​ൻ ര​ക്തം ത​ളം​കെ​ട്ടി നി​ന്നി​രു​ന്നു.

മൂ​ന്നു​പേ​രെ​യും വീ​ടി​നു​ള്ളി​ലെ മ​റ്റ് സ്ഥ​ല​ങ്ങ​ളി​ൽ​വെ​ച്ച് കൊ​ന്ന​ശേ​ഷം ബെ​ഡ് റൂ​മി​ൽ കൊ​ണ്ട് വ​ന്ന് ഇ​ട്ട​താ​വാ​മെ​ന്ന് പൊ​ലീ​സ് പ​റ​ഞ്ഞു. പ​രി​ശോ​ധ​ന​യി​ൽ കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ചു എ​ന്ന് ക​രു​തു​ന്ന മൂ​ന്ന് ക​ത്തി​ക​ൾ ക​ണ്ടെ​ത്തി. ഒ​പ്പം ഫി​നോ​യി​ൽ വി​ഷ​ത്തി​ന്റെ ബോ​ട്ടി​ലും ക​ണ്ടെ​ത്തി. ക​രു​തി കൂ​ട്ടി​യു​ള്ള കൊ​ല​പാ​ത​ക​വും അ​തി​നെ തു​ട​ർ​ന്നു​ള്ള ആ​ത്മ​ഹ​ത്യ​യും ദു​രൂ​ഹ​ത​ക​ൾ ബാ​ക്കി​യാ​ക്കു​ന്നു.