ഇടുക്കിയിൽ നശിച്ചത്​ 4500 ഹെക്ടർ കൃഷി

നെ​ടു​ങ്ക​ണ്ടം: വേ​ന​ല്‍ചൂ​ടി​ല്‍ ഇ​ടു​ക്കി ജി​ല്ല​യി​ല്‍ 4500ല​ധി​കം ഹെ​ക്ട​ര്‍ സ്ഥ​ല​ത്തെ കൃ​ഷി പൂ​ര്‍ണ​മാ​യും ന​ശി​ച്ച​താ​യി വി​ദ​ഗ്ധ സം​ഘ​ത്തി​ന്‍റെ ക​ണ്ടെ​ത്ത​ൽ. ക​ടു​ത്ത​വ​ര​ള്‍ച്ച മൂ​ലം ഇ​ടു​ക്കി​യി​ലെ കാ​ര്‍ഷി​ക മേ​ഖ​ല​യി​ലു​ണ്ടാ​യ ആ​ഘാ​തം വി​ല​യി​രു​ത്താ​ൻ കൃ​ഷി​മ​ന്ത്രി നി​യോ​ഗി​ച്ച കാ​ര്‍ഷി​ക വി​ദ​ഗ്ദ​ധ​ര​ട​ങ്ങു​ന്ന ഉ​ന്ന​ത​ത​ല സം​ഘം ന​ട​ത്തി​യ പ​രി​ശോ​ധ​ന​യി​ലാ​ണ് ഈ ​ക​ണ്ടെ​ത്ത​ല്‍. ഇ​തി​ല്‍ ഏ​ലം മാ​ത്രം 2500ല​ധി​കം ഹെ​ക്ട​ര്‍ പൂ​ര്‍ണ​മാ​യി ന​ശി​ച്ച​താ​യാ​ണ് ക​ണ്ടെ​ത്തി​യ​ത്. ഏ​ലം കൃ​ഷി മു​മ്പെ​ങ്ങും നേ​രി​ട്ടി​ട്ടി​ല്ലാ​ത്ത പ്ര​തി​സ​ന്ധി​യാ​ണ്​ ​നേ​രി​ടു​ന്ന​ത്. ഏ​ല​ത്തി​നു പു​റ​മെ കു​രു​മു​ള​ക്, കാ​പ്പി, വാ​ഴ, ജാ​തി, പ​ച്ച​ക്ക​റി​ക​ള്‍ എ​ന്നി​വ​യും വ​ന്‍തോ​തി​ല്‍ ന​ശി​ച്ച​താ​യി സം​ഘം ക​ണ്ടെ​ത്തി.

തി​ങ്ക​ളാ​ഴ്ച മാ​ത്രം ന​ട​ത്തി​യ പ​രി​ശോ​ധ​ന​യി​ലാ​ണ് ഈ ​ക​ണ്ടെ​ത്ത​ല്‍. ഇ​തി​ലും കൂ​ടു​ത​ല്‍ നാ​ശ​ന​ഷ്ട​ങ്ങ​ള്‍ക്കാ​ണ് സാ​ധ്യ​ത. നാ​ല്​ ദി​വ​സ​ത്തെ സ​ന്ദ​ര്‍ശ​ന​മാ​ണ് സം​ഘം ജി​ല്ല​യി​ല്‍ ന​ട​ത്തു​ന്ന​ത്. തു​ട​ക്കം നെ​ടു​ങ്ക​ണ്ട​ത്താ​യി​രു​ന്നു. തി​ങ്ക​ളാ​ഴ്ച നെ​ടു​ങ്ക​ണ്ടം, അ​ടി​മാ​ലി ബ്ലോ​ക്കു​ക​ളി​ലാ​യി​രു​ന്നു സ​ന്ദ​ര്‍ശ​നം. ജി​ല്ല​യി​ൽ അ​തി​രൂ​ക്ഷ​മാ​യ കൃ​ഷി​നാ​ശം സം​ഭ​വി​ച്ച​താ​യാ​ണ്​ സം​ഘ​ത്തി​ന്‍റെ വി​ല​യി​രു​ത്ത​ൽ. കൃ​ഷി​നാ​ശം നേ​രി​ട്ട് വി​ല​യി​രു​ത്തി​യും ക​ര്‍ഷ​ക​രു​മാ​യും പ്ര​ദേ​ശ​വാ​സി​ക​ളു​മാ​യും സം​വ​ദി​ച്ചു​മാ​യി​രു​ന്നു സ​ന്ദ​ര്‍ശ​നം. ക​ടു​ത്ത വേ​ന​ലി​ല്‍ സം​സ്ഥാ​ന​ത്തെ കാ​ര്‍ഷി​ക മേ​ഖ​ല​യി​ല്‍ വ​ന്‍ നാ​ശ​മു​ണ്ടാ​യ​തി​നെ തു​ട​ര്‍ന്നാ​ണ്​ ഉ​ന്ന​ത​ത​ല യോ​ഗ​ത്തി​നു ശേ​ഷം കൃ​ഷി മ​ന്ത്രി​യു​ടെ നി​ര്‍ദേ​ശ​പ്ര​കാ​രം സം​ഘം സ​ന്ദ​ർ​ശ​ന​ത്തി​നെ​ത്തി​യ​ത്.

വെ​ള്ളി​യാ​ഴ്ച​ക്ക് മു​മ്പ് റി​പ്പോ​ര്‍ട്ടു​ക​ള്‍ അ​ടി​യ​ന്തി​ര​മാ​യി സ​മ​ര്‍പ്പി​ക്കാ​നാ​ണ്​ സം​ഘ​ത്തി​ന്​ കി​ട്ടി​യ നി​ർ​ദേ​ശം. ജി​ല്ല പ്രി​ന്‍സി​പ്പ​ല്‍ കൃ​ഷി ഓ​ഫി​സ​ര്‍ സെ​ലീ​നാ​മ്മ, കൃ​ഷി ഡ​പ്യൂ​ട്ടി ഡ​യ​റ​ക്ട​ര്‍ സി. ​അ​മ്പി​ളി, അ​സി. ഡ​യ​റ​ക്ട​ര്‍ ര​ശ്മി വി​ജ​യ​ന്‍, പാ​മ്പാ​ടും​പാ​റ ഏ​ലം ഗ​വേ​ഷ​ണ​കേ​ന്ദ്രം ശാ​സ്ത്ര​ജ്ഞ അ​സി. പ്ര​ഫ. ര​മ്യ, എ​ന്നി​വ​രു​ടെ നേ​തൃ​ത്വ​ത്തി​ൽ എ​ട്ടോ​ളം പേ​ര​ട​ങ്ങി​യ സം​ഘ​മാ​ണ് ജി​ല്ല​യി​ല്‍ സ​ന്ദ​ര്‍ശ​നം ന​ട​ത്തി​യ​ത്. ഉ​ടു​മ്പ​ഞ്ചോ​ല താ​ലൂ​ക്കി​ലെ വി​വി​ധ കൃ​ഷി സ്ഥ​ലം സ​ന്ദ​ര്‍ശി​ച്ച് സ്ഥി​തി​ഗ​തി​ക​ള്‍ വി​ല​യി​രു​ത്തി. നെ​ടു​ങ്ക​ണ്ടം, ഉ​ടു​മ്പ​ഞ്ചോ​ല, രാ​ജാ​ക്കാ​ട്, രാ​ജ​കു​മാ​രി, ബൈ​സ​ണ്‍വാ​ലി പ​ഞ്ചാ​യ​ത്തു​ക​ളി​ലാ​ണ് കൂ​ടു​ത​ലാ​യും പ​രി​ശോ​ധ​ന ന​ട​ത്തി​യ​ത്.

മ​ണ്ണി​ലെ താ​പ​നി​ല ക്ര​മാ​തീ​ത​മാ​യി ഉ​യ​ര്‍ന്നി​ട്ടു​ണ്ട്. രാ​ജ്യ​ത്ത്​ ഉ​ദ്​​പാ​ദി​പ്പി​ക്കു​ന്ന ഏ​ല​ത്തി​ന്റെ 60 ശ​ത​മാ​ന​വും ഉ​ടു​മ്പ​ഞ്ചോ​ല​യി​ലാ​ണ്. ഈ ​കൃ​ഷി ഏ​താ​ണ്ട് പൂ​ര്‍ണ​മാ​യും ക​രി​ഞ്ഞു​ണ​ങ്ങി​യ അ​വ​സ്ഥ​യി​ലാ​ണെ​ന്ന്​ സം​ഘം നേ​രി​ട്ട് ക​ണ്ട് ബോ​ധ്യ​പ്പെ​ട്ടു. കൃ​ഷി പു​ന​രു​ജ്ജീ​വി​പ്പി​ക്കു​ന്ന​തി​ന്​ ആ​വ​ശ്യ​മാ​യ പ്ര​ത്യേ​ക പാ​ക്കേ​ജ് ഏ​പ്പെ​ടു​ത്ത​ണ​മെ​ന്നാ​ണ് ക​ര്‍ഷ​ക​രു​ടെ ആ​വ​ശ്യം. ഇ​ത് സം​ഘ​ത്തെ അ​റി​യി​ക്കു​ക​യും ചെ​യ്തു. ചൊ​വ്വാ​ഴ്ച പീ​രു​മേ​ട് താ​ലൂ​ക്കി​ല്‍ സം​ഘം സ​ന്ദ​ര്‍ശ​നം ന​ട​ത്തും. ക​ര്‍ഷ​ക​ര്‍ വ​ള​രെ ആ​വേ​ശ​ത്തോ​ടെ​യാ​ണ് സം​ഘ​ത്തെ എ​തി​രേ​റ്റ​ത്. ക​ന​ത്ത ന​ഷ്ടം നേ​രി​ട്ട ക​ര്‍ഷ​ക​ര്‍ വ​ള​രെ ക​ടു​ത്ത സാ​മ്പ​ത്തി​ക ബാ​ധ്യ​ത​യി​ലാ​ണ്. സ​ര്‍ക്കാ​രി​ല്‍ നി​ന്നും ആ​ശ്വാ​സം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് ക​ർ​ഷ​ക​ർ.