അധ്യക്ഷപദം ഏറ്റെടുക്കുന്നത്​ സാധാരണ സംഭവം -വേണുഗോപാൽ

ന്യൂ​ഡ​ൽ​ഹി: കെ.​പി.​സി.​സി അ​ധ്യ​ക്ഷ​സ്ഥാ​നം കെ. ​സു​ധാ​ക​ര​ൻ ഏ​റ്റെ​ടു​ക്കു​ന്ന​ത് സാ​ധാ​ര​ണ സം​ഭ​വം മാ​ത്ര​മെ​ന്ന്​ സം​ഘ​ട​ന ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ. എം.​എം. ഹ​സ​ന്റെ അ​സാ​ന്നി​ധ്യം ച​ര്‍ച്ച​യാ​ക്കേ​ണ്ട​തി​ല്ലെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു.

അ​നാ​വ​ശ്യ വി​വാ​ദ​മാ​ണ് മാ​ധ്യ​മ​ങ്ങ​ളു​ണ്ടാ​ക്കു​ന്ന​ത്. കെ. ​സു​ധാ​ക​ര​ന്‍ മ​ത്സ​രി​ച്ച ക​ണ്ണൂ​ര്‍ പോ​ലൊ​രു മ​ണ്ഡ​ല​ത്തി​ല്‍ പൂ​ർ​ണ​സ​മ​യ സാ​ന്നി​ധ്യം വേ​ണ​മെ​ന്ന​തി​നാ​ലാ​ണ് കെ.​പി.​സി.​സി അ​ധ്യ​ക്ഷ​ന്റെ താ​ൽ​ക്കാ​ലി​ക ചു​മ​ത​ല എം.​എം. ഹ​സ​ന് ന​ല്‍കി​യ​ത്. തെ​ര​ഞ്ഞെ​ടു​പ്പി​നു ശേ​ഷ​മു​ള്ള വി​ല​യി​രു​ത്ത​ല്‍കൂ​ടി ന​ട​ത്താ​നാ​ണ് ഹ​സ​ന്‍ സ്ഥാ​ന​ത്ത് തു​ട​ര്‍ന്ന​ത്. ഹ​സ​ന്‍ ന​ല്ല രീ​തി​യി​ലാ​ണ് പ്ര​വ​ര്‍ത്തി​ച്ച​തെ​ന്ന് സു​ധാ​ക​ര​ന്‍ വ്യ​ക്ത​മാ​ക്കി​യി​ട്ടു​ണ്ട്. ഹ​സ​ന്റെ തീ​രു​മാ​ന​ങ്ങ​ള്‍ കൂ​ടി​യാ​ലോ​ച​ന​ക​ള്‍ ഇ​ല്ലാ​തെ​യാ​ണെ​ന്ന് സു​ധാ​ക​ര​ന്‍ പ​റ​ഞ്ഞി​ട്ടി​ല്ല.

വോ​ട്ടെ​ടു​പ്പ് ദി​ന​ത്തി​ലെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ റോ​ഡ് ഷോ, ​വി​ദ്വേ​ഷ പ്ര​സം​ഗം എ​ന്നി​വ​യി​ല്‍ ഇ​ൻ​ഡ്യ മു​ന്ന​ണി വ്യാ​ഴാ​ഴ്ച തെ​ര​ഞ്ഞെ​ടു​പ്പ് ക​മീ​ഷ​ന് പ​രാ​തി ന​ല്‍കു​മെ​ന്നും നി​യ​മ​ന​ട​പ​ടി​ക​ള്‍ മു​ന്ന​ണി ക​ക്ഷി​ക​ളു​മാ​യി ആ​ലോ​ചി​ച്ച് തീ​രു​മാ​നി​ക്കു​മെ​ന്നും വേ​ണു​ഗോ​പാ​ൽ പ​റ​ഞ്ഞു.