ഏ​കീ​കൃ​ത ജി.​സി.​സി ടൂ​റി​സ്റ്റ് വി​സ ഈ ​വ​ർ​ഷം നി​ല​വി​ൽവ​രും

മ​സ്ക​ത്ത്​: ഏ​കീ​കൃ​ത ജി.​സി.​സി ടൂ​റി​സ്റ്റ് വി​സ ഈ ​വ​ർ​ഷം അ​വ​സാ​ന​ത്തോ​ടെ നി​ല​വി​ൽ വ​രും. ദു​ബൈ​യി​ൽ ന​ട​ക്കു​ന്ന അ​റേ​ബ്യ​ൻ ട്രാ​വ​ൽ മാ​ർ​ക്ക​റ്റി​ലാ​ണ്​ അ​ധി​കൃ​ത​ർ ഇ​ക്കാ​ര്യം വെ​ളി​പ്പെ​ടു​ത്തി​യ​ത്. യു.​എ.​ഇ, സൗ​ദി അ​റേ​ബ്യ, ഖ​ത്ത​ർ, ബ​ഹ്‌​റൈ​ൻ, ഒ​മാ​ൻ, കു​വൈ​ത്ത്​ തു​ട​ങ്ങി ആ​റ് രാ​ജ്യ​ങ്ങ​ളി​ലെ താ​മ​സ​ക്കാ​ർ​ക്കും പൗ​ര​ന്മാ​ർ​ക്കും 30 ദി​വ​സ​ത്തി​ല​ധി​കം യാ​ത്ര ചെ​യ്യാ​ൻ അ​നു​വ​ദി​ക്കു​ന്ന വി​സ ‘ജി.​സി.​സി ഗ്രാ​ൻ​ഡ് ടൂ​ർ​സ്’ എ​ന്ന് പേ​രി​ലാ​യി​രി​ക്കും അ​റി​യു​ക. സ​ന്ദ​ർ​ശ​ക​ർ​ക്ക് യാ​ത്ര സൗ​ക​ര്യ​പ്ര​ദ​വും താ​ങ്ങാ​നാ​വു​ന്ന​തു​മാ​യി​രി​ക്കും ഇ​തെ​ന്ന്​ അ​റേ​ബ്യ​ൻ ട്രാ​വ​ൽ മാ​ർ​ക്ക​റ്റി​ന്‍റെ ഉ​ദ്ഘാ​ട​ന ദി​ന​ത്തി​ൽ സം​സാ​രി​ച്ച യു.​എ.​ഇ സാ​മ്പ​ത്തി​ക മ​ന്ത്രി അ​ബ്ദു​ല്ല ബി​ൻ തൂ​ഖ് അ​ൽ മ​ർ​റി പ​റ​ഞ്ഞു.

മ​ൾ​ട്ടി എ​ൻ​ട്രി അ​നു​വ​ദി​ക്കു​ന്ന​താ​യി​രി​ക്കും വി​സ. വി​സ പ്രാ​ബ​ല്യ​ത്തി​ൽ വ​രു​ന്ന​തോ​ടെ ജി.​സി.​സി രാ​ജ്യ​ങ്ങ​ളി​ലെ വൈ​വി​ധ്യ​മാ​ർ​ന്ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്ക്​ സ​ന്ദ​ർ​ശ​ക​രെ കൂ​ടു​ത​ൽ ആ​ക​ർ​ഷി​ക്കും. ഹോ​ട്ട​ൽ അ​തി​ഥി​ക​ളു​ടെ എ​ണ്ണം വ​ർ​ധി​ക്കു​ക​യും മേ​ഖ​ല​യെ പ്രാ​ദേ​ശി​ക, അ​ന്ത​ർ​ദേ​ശീ​യ വി​നോ​ദ​സ​ഞ്ചാ​രി​ക​ളു​ടെ മു​ൻ​നി​ര കേ​ന്ദ്ര​ങ്ങ​ളി​ലൊ​ന്നാ​യി മാ​റ്റു​ക​യും ചെ​യ്യു​മെ​ന്ന്​ അ​ൽ മ​ർ​റി പ​റ​ഞ്ഞു.

ഗ​ൾ​ഫ് രാ​ജ്യ​ങ്ങ​ൾ വ​ലി​യ ടൂ​റി​സ്റ്റ് ഓ​പ​റേ​റ്റ​ർ​മാ​രു​മാ​യും ക​മ്പ​നി​ക​ളു​മാ​യും ചേ​ർ​ന്ന് മു​ഴു​വ​ൻ പ്ര​ദേ​ശ​ത്തി​നും അ​നു​ഗു​ണ​മാ​യ പാ​ക്കേ​ജു​ക​ൾ പു​റ​ത്തി​റ​ക്കു​ന്ന​ത​ട​ക്ക​മു​ള്ള കാ​ര്യ​ങ്ങ​ൾ ച​ർ​ച്ച ചെ​യ്യും.

ഏ​കീ​കൃ​ത ജി.​സി.​സി ടൂ​റി​സ്റ്റ് വി​സ​യു​മാ​യു​ള്ള ച​ർ​ച്ച​ക​ൾ അ​വ​സാ​ന ഘ​ട്ട​ത്തി​ലാ​ണെ​ന്നും സു​ര​ക്ഷ​യും സാ​ങ്കേ​തി​ക​വു​മാ​യ ആ​ശ​ങ്ക​ക​ൾ കാ​ര​ണം ശ്ര​ദ്ധാ​പൂ​ർ​വം പ​രി​ഗ​ണി​ച്ചാ​യി​രി​ക്കും ഇ​വ ന​ട​പ്പി​ൽ വ​രി​ക​യെ​ന്നും അ​ധി​കൃ​ത​ർ വ്യ​ക്തമാ​ക്കി. ജി.​സി.​സി രാ​ജ്യ​ങ്ങ​ളി​ലെ വി​നോ​ദ സ​ഞ്ചാ​ര മേ​ഖ​ല​ക്ക്​ ക​രു​ത്തു​പ​ക​രു​ന്ന ഏ​കീ​കൃ​ത ടൂ​റി​സ്​​റ്റ്​ വി​സ​ക്ക്​ ആ​ഭ്യ​ന്ത​ര മ​ന്ത്രി​മാ​ർ ക​ഴി​ഞ്ഞ ന​വം​ബ​റി​ലാ​ണ്​ അം​ഗീ​കാ​രം ന​ൽ​കി​യ​ത്. മ​സ്ക​ത്തി​ൽ ചേ​ർ​ന്ന ജി.​സി.​സി രാ​ജ്യ​ങ്ങ​ളു​ടെ ആ​ഭ്യ​ന്ത​ര മ​ന്ത്രി​മാ​രു​ടെ 40ാമ​ത്​ യോ​ഗ​ത്തി​ലാ​യി​രു​ന്നു​ ഇ​ത്​ സം​ബ​ന്ധി​ച്ച്​ തീ​രു​മാ​നം ഉ​ണ്ടാ​യ​ത്.

ചെ​ങ്ക​ൻ വി​സ മോ​ഡ​ലി​ൽ ഒ​രു വി​സ കൊ​ണ്ട് മ​റ്റ് എ​ൻ​ട്രി പെ​ർ​മി​റ്റു​ക​ളു​ടെ ആ​വ​ശ്യ​മി​ല്ലാ​തെ ആ​റ് ജി.​സി.​സി രാ​ജ്യ​ങ്ങ​ളി​ലും സ​ന്ദ​ർ​ശ​നം ന​ട​ത്താ​ൻ ക​ഴി​യു​ന്ന​താ​ണ്​ ഏ​കീ​കൃ​ത ടൂ​റി​സ്​​റ്റ്​ വി​സ പ​ദ്ധ​തി. നി​ല​വി​ൽ ജി.​സി.​സി പൗ​ര​ന്മാ​ർ​ക്ക് ആ​റ് രാ​ജ്യ​ങ്ങ​ളി​ലേ​ക്കും സൗ​ജ​ന്യ​മാ​യി പ്ര​വേ​ശി​ക്കാ​ൻ ക​ഴി​യും. എ​ന്നാ​ൽ, ജി.​സി.​സി രാ​ജ്യ​ങ്ങ​ളി​ലെ താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും ഓ​രോ രാ​ജ്യ​ത്തേ​ക്കും പ്ര​വേ​ശി​ക്കു​ന്ന​തി​ന് അ​താ​ത് രാ​ജ്യ​ങ്ങ​ളു​ടെ വി​സ​ക​ൾ ആ​വ​ശ്യ​മാ​ണ്.

വി​സ ന​ട​പ്പാ​ക്കു​ന്ന​തി​ന് മു​മ്പ് ചി​ല ന​ട​പ​ടി ക്ര​മ​ങ്ങ​ൾ പൂ​ർ​ത്തി​യ​ക്കേ​ണ്ട​തു​ണ്ട്. ഇ​തു​സം​ബ​ന്ധ​മാ​യ കാ​ര്യ​ങ്ങ​ളി​ൽ വ​രും ദി​വ​സ​ങ്ങ​ളി​ലെ വ്യ​ക്​​ത​ത വ​രി​ക​യു​ള്ളു. ജി.​സി.​സി രാ​ജ്യ​ങ്ങ​ളി​ലെ അ​ന്താ​രാ​ഷ്ട്ര വി​നോ​ദ സ​ഞ്ചാ​രി​ക​ളു​ടെ എ​ണ്ണം മൊ​ത്തം വി​നോ​ദ സ​ഞ്ചാ​രി​ക​ളു​ടെ 29.7 ശ​ത​മാ​ന​മാ​ണ്. വി​നോ​ദ സ​ഞ്ചാ​രി​ക​ളു​ടെ എ​ണ്ണ​ത്തി​ൽ 2021നേ​ക്കാ​ൾ 98.8 ശ​ത​മാ​നം വ​ർ​ധ​ന​ ക​ഴി​ഞ്ഞ വ​ർ​ഷം ഉ​ണ്ടാ​യി​ട്ടു​ണ്ട്.

2023 -30 കാ​ല​ത്തെ ഗ​ൾ​ഫ് ടൂ​റി​സം ന​യം അ​നു​സ​രി​ച്ച് 2030 വ​രെ ഓ​രോ വ​ർ​ഷ​വും വി​നോ​ദ സ​ഞ്ചാ​രി​ക​ളു​ടെ എ​ണ്ണ​ത്തി​ൽ ഏ​ഴ് ശ​ത​മാ​നം വ​ർ​ധ​ന ആ​വ​ശ്യ​മാ​ണ്. വി​നോ​ദ സ​ഞ്ചാ​രി​ക​ൾ ചെ​ല​വ​ഴി​ക്കു​ന്ന​ത് എ​ട്ട് ശ​ത​മാ​ന​മാ​യും ജി.​സി.​സി പൗ​ര​ന്മാ​രും താ​മ​സ​ക്കാ​രും ചെ​ല​വ​ഴി​ക്കു​ന്ന​ത് 2.4 ശ​ത​മാ​ന​മാ​യും ഉ​യ​ര​ണം.

ജി.​സി.​സി രാ​ജ്യ​ങ്ങ​ൾ​ക്കി​ട​യി​ൽ സ​ഹ​ക​ര​ണ​വും വി​നോ​ദ സ​ഞ്ചാ​ര വി​ക​സ​ന പ​ദ്ധ​തി​ക​ൾ ശ​ക്തി​പ്പെ​ടു​ത്ത​ണ​മെ​ന്നും, ഇ​തി​നാ​ൽ പൊ​തു പ​ദ്ധ​തി​ക​ൾ സ​മ​യ ബ​ന്ധി​ത​മാ​യി ന​ട​പ്പാ​ക്ക​ണ​മെ​ന്നും നേ​ര​ത്തെ ന​ട​ന്ന വി​നോ​ദ സ​ഞ്ചാ​ര മ​ന്ത്രി​മാ​രു​ടെ യോ​ഗം ആ​വ​ശ്യ​പ്പെ​ട്ടി​രു​ന്നു.